عمررررررررررررررري الله يكون في عونك
مشكلتك مثل مشكلتي بقولك عنها ويمكن تشوفين الحل الي يريحك
قسم بالله انزل تحت وارتب وانظف واطبخ لهم واذا جيت اكل معاهم يقولون لي اكلك فالمطبخ واذا رحت اخذه اشوفها تذلني عليه لدرجة تحسدني على اللقمه الي اكلها
تركتها وفلت بطبخ في شقتي قسم بالله سوتني مااشتهيها واني مااطبخ واكلنا من السوق ليل ونهار وانا من اسوي شي انزل لها واهي ترميه حتى ولا تعطي احد ياكل منه ولا لقمه
حز في خاطري الي تسويه وتكلمت جنب صديقة اختي وقالت لي انها عمدا تسوي كذا عشان تحرق قلبي طبعا هونت ماانزل شي لان حرام ينقص علينا واهي ترميه
وعقبها بدأت تطلع عني كلام عند جيرانها اني قذره واني انام للظهر واني طردتها من الشقه واني اطلع نص اليل اسرسر ((يعني اطلع مع شباب)) وصارت تطرد ولدي من تشوفه على الدرج وولدد اخو زوجي ماسكته ليل ونهار لدرجه اهله يتركونه ويطلعون للسوق والاعراس
قسم بالله من كلامها زوجي بدأ يشك يقولي من منو حملتي؟ قسم بالله ماتوقعت هالسؤال يجي من زوجي لدرجة قلت له اذا مومنك من اخوانك الي عايشه معاهم في نفس البيت يدخلون علي فالشقه متى مابغو لاأحم ولا دستور وقلت له والله لأعلم ابوي على كلامك وتحسف قال بس ابليس وزني>>قل امك وزتك مش ابليس
انا انجنيت من هالكلام ومن تصرفاتهم معاي ومع ولدي وقلت لزوجي كلم امك كلم اهلك والله بعلم اهلي ولافي فايده...كلمت امي وابوي وقالو لي لاتنزلين لهم بس اذا صار شي مثل تتحمدين سلامة احد او تباركين للعيد وغيرهم للرسميات نزلي وقومي لاتجلسين فتره طويله 5دقايق كتكفي وسكت وهونت ماانزل ولا اخلي ولدي ينزل الا فالرسميات لاغير...نفسيتي تعبت وكل ليله ابكي وطلبت منه يطلعني في شقه لحالي لاني مااتحمل هالعذاب كله وللحين ربي مااذن نطلع من البيت
للعلم اني سكنت سنه وحده لااكثر ولا اقل وورتني نجوم الظهر وزوجة حماي قسم بالله من يقولون لولدها رح لأمك تخلي زوجها ينزل ويمسح فيهم الارض ومحترمينها وحاشمينها ولايقولون عنها الا كل كلمه سنعه وانا مسويني اطلع مع رجال حسبي الله عليهم
يارب تفرجها علي وعليك ويرتاح بالنا ونرتاح من وجع هالراس