حبيبتى ...والله كلنا مرينا بهذ الطغوط النفسيه... واحلى مافى المنتدى انك بتشوفى بنات كتير مثلك يعنى مش لوحدك وادينا بنصبر بعض والى بتحمل بتفرحنا كلنا...
بس بجد حاولى تشغلى نفسك بشئ تانى تعمليه اشتركى فدار تحفيظ لازم يكون ليكى عالم تانى تعيشي فيه عشان تطلعى نفسك من الجو ده...وحاجه تانيه كمان .. اتكلمى مع زوجك بصراحه.. قوليله ان الاطفال رزق من عند الله زى الصحه والمال وغيره.. وربنا مقدر لينا كل شى قبل ما نتخلق.. فلازم يساعدك ويساندك معنويا لان ده هياثر عليكى كتير وقوليله يدعى زى ما انتى بتدعى ويصبر زى ما انتى صبرتى .. ولازم هو كمان يروح يعمل تحاليل او فحوصات مفيهاش عيب لان ممكن انتى تدوخى نفسك عند الدكاتره ويكون هو السبب منه.. فالحمل ده انتو الاتنين مشتركين فيه ماينفعش يعايرك او يرمى عليكى بالكلام لان انتى مليكش زنب انتى بتنتظري اقدار الله فيكى وخلاص الى عليكى عملتيه...
حبيبتى ربي يفرج همك وكربك ويبدل حالك بحال سرور وفرحه ويرزقك بنونو جميل عن قريب وطمنينا عليكى اول باول..