[حبيبه]

السلام عليكم
ما شاء الله مو بس انا بولد في ذوالحجة ،،،،الكل شكلنا بنتلاقى في المستشفى .....هههههههه
طبعا انا عطوني موعد في 28 ذوالحجة
بس الله يهدي الدكتوره ما عطتني مواعيد لا في الثامن ولا في التاسع
تخيلو اتعالج في حكومي ،،،،بس للأسف لعب في لعب ولا اهتمام بالحامل ولا شي ،،،،قهر ..
من دخلت الثامن وانا احس بدوره وصداع فضيع وكله نايمه وغير الآلآم في الظهر وآلام قويه جدا في الحوض
وحرقان بالمعده واذا شكيت للدكتوره الله يسامحه ما تهتم وكأني اسولف معها ،،،،بس فالحه وتكتب لي ادويه
تخيلو تسألني معك افرزات مهبليه اقول لها اي بس قالت لي في لون قلت لها احيانا مو دائما وتكتب لي تحاميل وتسوي لي تحليل بول في نسبه بسيطه جدا لا تذكر من الاتهابات وتكتب لي مضاد حيوي وغير الكالسيوم والحديد والفوليك لو تجون تشفون العالج بس ،،،
وانا خايفه على البيبي حيل ولا سوت لي سونار اطمن عليه الا مره وحده في الشهر الثالث تخيلو ويوم خلصت السابع سوت لي بس حتى ثانيه ما خذت بسرعه حتى انا استغربت يعني شغلته ليش ما ورتني قلت لها طيب انا ما شفت شي قالت الموعد الجاي بسوي لك سونار انا فرحت واخيرا كسرت خاطرها واكتشف انا الموعد الثاني لي اخر اسبوع في التاسع يعني خطرت الشهر الثامن كلها والتاسع موعدي في 22 ولادتي 28 شنو هالاهمال ياربي
احس جد لعب هالدكتوره تعامل الحوامل طنش تعش
سوري على الهذره الطويله بس ابغي افضفض من القهر
تخيلو كرهت المستشفى حتى الخاص خلاص ما ابغي اتعالج بظل كذا
لما الله يسهل علي ولادتي حتى الموعد اللي حظرتها معطتني نهاية التاسع ما راح اروح اصلا عندي احساس اني بولد بس ادخل التاسع لإني تعبانه حدي
وبتوكل على الله والله الحافظ بلا مستشفى بلا بطيخ