صباح الخير بنات
انا متزوجه من سنه وبعد الزواج اكتشفت إن عندي ورم حميد بالغدة أو كيس بالغدة صلب حجم ٢ سم وكان لازم عملية جراحية وعملتها من ٥ شهور الحمدلله رب العالمين
خلال الفترة قبل العملية قالولي حاولي ميكونش في حمل انا مخدتش حاجه هو محصلش حمل من غير اي وسائل منع غير إن جوزي شغله بيخليه على طول مش متواجد لفترات اسبوعين او تلاته وبيكون موجود ٥ ايام بنصادف كتير يكون عندي فيهم الدورة الشهرية وطبعا وقت التبويض على طول بيكون مسافر .. ده غير أصلا اني مش قادره احدد ايام التبويض بتاعتي بحس بألم في أيام غير اللي المفروض يكون فيها إباضه !!!
بصراحه انا مش عايزه اروح لدكاتره وادخل في دوامة التوتر لاني لسه طالعه أصلا من عملية وتوتر وباخد هرمون الغدة الدرقية اقراص لاني شلتها كلها .. والدكتور قالي مالهاش تأثير ع الحمل ..
وحماتي كل شوية تقولي شدي حيلك وهاتي حفيدة والكلام ده
مع العلم زوجي سبق له الزواج ولم ينجب ولا يعاني من اي أمراض تمنع الانجاب ...
بماذا تنصحوني ...!!!