السلام عليكم يا بنات ازيكم
انا عضوة جديدة معاكوا بس متابعاكو دايما من كتر مانا بدخل اشوف اعراض الحمل وكدة.. انا متجوزة بقالي ٤ شهور والحقيقة كل شهر اقعد اركز مع الاعراض والدورة تشرف ودورتي منتظمة الحمد لله يعني بتيجي كل ٢٩ او ٣٠ مثلا ماعدا الشهر الي فات جات قبل معادها باسبوع ودلوقتي معادها كان اول امبارح عملت اختبار منزلي ظهر خط تاني وردي خفييف بس بعد ساعة ونص تقريبا فرحت جدا ورحت عملت تحليل دم وطلع سال وكمان رقمي طلع ١ يعني مفيش
السؤال هنا هل انا عملت التحاليل دي كلها بدري والمفروض استنى فعلا اسبوع او اتنين ولا كدة خلاص مفيش حمل الشهر ده.... مع العلم بقالي ١٠ ايام بينزل عليا افرازات بيضا ومن امبارح افرازات شفافة كانها مياه ومغص اسفل البطن والضهر.. دي الاعراض الي حاسة بيها دلوقتي
انا طولت عليكوا اسفة بس بجد مليش غيركوا يفيدني لو حد حصل معاها كدة
وعارفة طبعا انه لسة بدري وبقالي ٤ شهور بس وكدة بس نفسي فعلا ابقى ام وادعولي وياريت بجد تردوا عليا محتاجة ردكوا اوي