لاحقتك كمان هون.....ههه
بس احنا الي مارينا بهالتجارب القاسية فتأخر الحمل والعلاج الناتج عنه والآلام النفسية و الجسدية تخلينا دايم نحس ببعض يعني الان والله اجتني نفس حرقة القلب الي كنت احسها من قبل لما انحبط بنزول الدورة او لما اعمل تست و قلبي يهبط لما مالاقي غير خط واحد كعادتي لازم حزعل وابكي لفترة محدودة بس وسرعان مااجدد تفاؤلي واستعوذ من الشيطان وارجع اتقرب من ربي كل ماذكرت الله اتفائل اكثر وكمان احس برضى
شوفي كل شي بالبداية صعب وانتي بشر لازم حتتأثري وتحزني وتفقدي الامل هدا شي نفسي لازم بنحس فيه بتوجعك نفسك وترأفي بحالك وتشوفي لغيرك الي بيتمتع بنعمة انتي تتمنيها بالبداية صعب والصدمة شديدة خصوصا بعد مابنيتي احلام كبيرة بناء على هالتجربة بس صدقيني لسى انتي بالاختبار من الله يمكن مااعطاكي هالمرة حتى حتى تتقربي منه اكثر ويشوف كمان صبرك بعد ذروة الامل الي كنتي فيه
انا كنت افكر دائما بهالطريقة وموقنة ان رزقي حيجيني بس مو هالوقت الله ادرى بمصلحتي مني انا عملللت الي علي طلبت ربنا وسعيت خلاص ماالوم الزمن ولا نفسي متى ربي ما كتب حيكون الوقت المناسب لي هادي الحياة كذا ابتلاء صبر ثم فرج...
وهم اهون من هم الحمد لله ان عندك امل طبيا وزوجك بيتعالج ويمكن الله يرزقك طبيعي لو صبرتي وتفائلتي وفكرتي مثل ماقتلك يامااااا ناس قالوا لهم مافي امل وصار الحمللل بإرادة الله يقول للشيء كن فيكون
بتكتشفي انك نكدتي عيشتك عالفاضي والي مكتوب لك بتناليه اهم شي انك ماتخسري رضى ربي وتخسري معاها الحياة والزوج الي وهبه الله لك وغيرك متمني
خليك قوية متفائلة واستعوذي من الشيطان وخلي بالك كمان من نفسية زوجك واكسبي فيه اجر كمان بوقفتك معاه واعطيه الامل تقربوا من بعض اكثر حاولوا تغيروا جو ماتنكدو ايامكم والله حرام بعدين الله بيرزقكم ومابتلقوا وقت حتى التقرب من بعض. مثل ماوضعكم الان وهدا كلاااامي عن تجررربة