ممكن يكون حملك من اخر دوره وفعلا تكونين في الشهر الثاني.
اسمعي وانا اختك روحي لدكتورة نساء وولادة راح تطلب تحليل دم وفتامينات وتعرف اذا عندك فقر دم او نقص بالحديد والكالسيوم وكمان تطلب تسوين تحليل بول عشان تتاكد ع صحتك اذا عندك املاح او صديد ..
واخر شي راح تسوي لك سونار اذا كان الجنين اقل من شهر مارح يبين
وامشي ع حسبة السونار وتابعي مع الدكتورة حملك شهريا وتطمني ع نبض البيبي ونموه .
وراح تكتب لك ع حمض الفوليك تستخدميه بالثلاث الاشهر الاولى .
اما بدخولك لشهر الرابع راح تعطيك فتامينات الكالسيوم والحديد لتعويض جسمك لان البيبي ياخذ منك وهالفتامينات راح تعوض هالنقص الى الشهر الثامن راح توقفين الكالسيوم اما الحديد تستمرين عليه الى الولادة .
اهتمي باكلك وصحتك وكثري سوائل لجسمك وارتاحي ولاتضغطين نفسك بشغل البيت قسمي وقتك وامشي ع مهلك .. واذا حسيتي بغثيان اكلي بسكوت مالح او مصي ليمون وراح يخف .
والله يتمم لك حملك على خير ويسهل ولادتك .
اتمنى اكون افدتك .