السلام عليكم
حوامل ومامات كيفكم حبايبي ، انا جد مو عارفه كيف ابدا الموضوع حقي لاني اول مره اسجل في منتدى وكذا ��
عموما راح ابدأ بالسالفه على طول ..
انا حامل بالشهر السادس الحين وساكنه في ينبع
اهلي بالشرقيه وبولد هناك باذن الله
ابوي عسكري ولاكن للاسف زوجي موظف بشركة خاصة يعني مو حكومي
الي ابغا اعرفه الحين :
1- هل اقدر اولد في مجمع الملك فهد الطبي بالظهران وزوجي مو موظف عسكري بس ابوي عسكري ؟
2- واذا اقدر اولد هل بيستقبلون المولود حقي ويعتنون فيه ولا بيسوون لي سالفه؟ لاني سمعت انه انا لي احقية العلاج بس المولود بيكون تابع لزوجي وزي ماقلت فوق زوجي موظف شركة خاصه؟
3- واذا يمدي اولد وش بحتاج وثائق وكذا لاني بجي على ولادتي بكون دخلت الشهر التاسع ف مادري هل يحتاج اسوي شي قبل ماجي اولد هنا ولالا ؟
اتمنى احصل رد سريع لاني شايلة هم فضيع والله العالم بحالي تعرفون كيف الوحدة تشيل هم اذا مو مضبطة وضعها ، معليش اذا كثرت كلام انا بكرية ومتوتره شوي سامحوني ��
انتظر ردودكم