اعراض نجاح التلقيح الصناعي ومتى اقدر اسوي تحليل الحمل اعراض نجاح التلقيح الصناعي ومتى اقدر اسوي تحليل الحمل السلام عليكم و رحمه الله و بركاته خواتي انا معرسه صار لي سنه و شي و حاولنا طبيعي كثير مانفع فقررت اسوي تلقيح صناعي . و فحصتني و قالت ان بويضتي حجمها 12 و عطتني حبوب famera لتنشيط و فحصت رحمي و ققالت ان سماكه الرحم عندي خفيفه ف وصفت لي حبوب الاسبرين عشان تسمكها اكثر و الحمدلله بعد ماخذت ادويتي تابعت مع الدكتوره و قالت ان بويضتي اصبح حجمها 21 و عطتني ف نفس الوقت الابره التفجيريه قوتها 5000 هذا كان يوم الاربعا تاريخ 4 هالشهر و قالت تعالي الخميس عشان نسوي التلقيح و الحمدلله سويتها لكنها قالت لي ان البويضه بعدها مانفجرت و قالت ان شاء الله تنفجر اليوم و كان في الم خفيف لايذكر و لكن فيه دم . بعد ماسويت التلقيح ضليت على ظهري مايقارب 20 دقيقه و بعدها وصفت لي جل مهبلي اسمه Crinone 8% استخدمه 3 مرات فاليوم . و بالفعل يوم الخميس فاليل حسيت بالم بمبيضي اليسار (اتوقع انها انفجرت ) . الاعراض اللي تصاحبني من االاسبوع اللي طاف عوار ظهر لا اكثر لكنها شديده . السؤال الاول : اللي جربو التلقيح سواء كانت تجربه ناجحه او فاشله شو هي الاعراض اللي صاحبتكم بعد التلقيح و شو اللي اكد حملكم غير الفحص ! السؤال الثاني: متى اقدر اسوي تحليل الحمل لاني متشفقه