[مامت وتين]

المشاركة الأصلية كتبت بواسطة دندونه2017

هلا وغلا. ..والله ماجربتها ب الولاده تولد بمستشفى الظاهر ب 5000 وكمان تولد ب مستشفى الجامعة ب 8 الآلاف. ..ويسهلك ياارب
أما فين أولد والله خايفه ومحتاره بين عبدالعزيز بالمحجر. وبين مستشفى الولاده ب المساعديه. .لو عندك معرفه ياليت تخبريني

الاثنين قد ولدت فيهم اسوء مستشفيات في جدة للاسف ولا ايش حادني على الاهلية عبدالعزيز كمان اخس وربي الكعبة كانك تولدين في البيت وخياطتهم اي كلام والله العظيم لكن الولادة بالمساعدية مايستقبلوك الا اذا فاتح 4 وعندك الم ولاده ولا نزل عليك دم ولا موية هذا اذا عندهم سرير فاضي ووقت الولاده يعطوك اكسجين والخياطة لاباس بها كويسة لكن الاثنين معاملتهم سيئة جدا مع المريضة وممكن تصادفي رجال يولدك او يخيطلك زي ماحصل معي في مستشفى الولاده رجال خيطني وعبد العزيز انتهت مناوبه الرجال وولدتني حرمه سعودية لكن عندك مستشفى شرق جدة حكومي رائعة بس لازم تجيبي تحويل من المركز الصحي حق حيكم عشان تراجعي او تولدي عندهم بس انا ماجربت الولاده عندهم واذا رجال ممكن يولدك بس قد سويت عندهم عملية المرارة وتاني مرة تنومت عندهم في شوال عشان جاني الم في بطني لاني اكلت من مطعم وقابلت كذا وحده والده عندهم ومدحولي هيا وانا شفت معاملتهم بعيوني والله كانه خاص مو حكومي اما مستشفى الحرس اختي هناك ممرضة والله تقولي الدكتورات مره معاملتهم سيئة مع المريضات لدرجة اغلب الاوقات يخلو الوحده طفلها هوا الي يشق المكان لكن خياطتهم كويسة ويعطوك اكسجين لكن المسكنات على حسب رحمت الي تولدك
وربي يسهل عليك وين ماكانت ولادتك وربي شاهد على كل حرف كتبته لك واي سؤال انا حاضرة