حبايبي شلونكم بكتب لكم يوميا شنو يصير معاي يعني يومياتي من اول ما بديت العلاج
تاريخ دورتي كانت 31-7
ثاني يوم من الدوره بديت اخذ منشطات ابر بالعضل وتحت الجلد
تاريخ 9-8 اخذت الابره التفجيرية
والسحب كان السبت تاريخ 12-8
والإرجاع كان يوم الأربعاء 16-8
الحمدلله على كل حال كانوا 5 بويضات والصالح منهم 2
وثاني يوم من الإرجاع تاريخ 18 حسيت بآلام مثل الطلق كنت بموووت ما اقدر وكنت حاسه ان العمليه خلاص فشلت ومتوقعه بأي وقت ينزل مني شي بس مانزل ولا شي وخف الالم ثاني يوم
وبعدها 3 يوم من الإرجاع سويت تحليل ديجيتال وطلعت النتيجه ايجابيه اتوقع بسب الابره التفجيريه كانت النتيجه ايجابيه
واليوم الرابع حللت منزلي الصبح العادي مو ديجيتال وكان سلبي
وكنت ما احس الا بشد خفيف بالرحم لا يذكر وصداع يومين واليوم الخامس والسادس والسابع حللت منزلي بعد ونفس الشي النتيجه سلبي
واليوم الثامن حبيت اسوي تحليل عن طريق الكلوركس مع عينه من البول وطلع مثل غازات المشروبات الغازيه وهذا يعني ان في حمل
واليوم دخلت اليوم التاسع ولا حاسه بولا شي خااايفه جدا ججججججججججدا
وكل يوم راح اكتب لكم هني شنو يصير معاي لي يوم التحليل وابي تفاعلكم معاي ولو بدعوه الله يرضا عليكم والله محتاجه دعواتكم 😭😭😭😭😭😭