أنا سويت منظار رحم
جدا جدا بسيط طبعا بتخدير كامل
نصف ساعة وانتي صاحية
ولا كأنه صار شيء
يدخلون منظار رفيع عن طريق المهبل مثل السونار المهبلي
ومن خلاله يشيلون التكيسات لو فيك يسوون له كي.
المنظار الرحمي مهم جدا يكشف عن اي شوائب او زوائد جلدية ممكن من شأنها ان تعيق التلقيح
ويسوون لك تنظيف يرجع رحمك جديد زي الفل ومستعد لإستقبال حمل
ويكون اقوى من أول بإذن الله.
اللي خلاني اسويه تجارب كثير من الاخوات ومن ناس نعرفهم جلسوا سنين من غير حمل
وما كان فيهم شيء الزوجة سليمة وتحاليل وفحوصات الزوج ممتازة ولما الزوجة سوت تنظيف رحم
علطول بعد كم شهر حملت طبيعي ماشاءالله واكثر من وحده في المنتدى ارسلت لي على الخاص
ونصحتني بقوة اسوي منظار رحم بما إن تاخير حملي مجهول المصدر سبحان الله وحسيت براحة وخفة في رحمي
والدورة انتظمت اصبحت تنزل كل شهر من غير ادوية تنزلها الحمدلله.
الله يتمم علي ويرزقني هالشهر ويرزقك وكل مشتهية.