[امة الله الكريم]

السلام عليكم ورحمة الله وبركاته
يابنات انا عملت اكتر من تحليل منزلي الاسبوعين الي فاتوا وكل تحليل كان يظهر خط خفيف جداااا يدوب يتشاف اذا دققت فيه مع العلم كان يظهر علي طول
المهم قلت اقطع الشك باليقين وحللت دم هرموني والنتيجة 2!!!
الدكتورة في المعمل استغربت جداااااا وسالت انا كنت حامل قبل كدة قريب وسقطت وطبعا قلتلها لا .. بس استغربت من الرقم
وانا كمان مستغربة .. لا كنت بفكر في الحمل ولا متابعه ولا مركزة فيه خالص لاني متزوجة من 11 سنة وحالتي معقدة طبيا واستعوضت الله ورضيت بنصيبي
فجأة من اسبوعين حصلت لي تغييرات غريبة جدا كلها اعراض حمل مؤكدة
مش فاهمة اي دة وليه ? واذا مفيش حمل ليه حصل كدة
وهل النسبة دي معناها مفيش حمل فعلا ?
مش عايزة اتعشم ولا اعشم زوجي وامي بتبكي علشاني
اسفة للاطالة .. ادعوا لي
رب لاتذرني فردا وانت خير الوارثين