ألم الدورة وغازات في البطن مع استمرار دخول الحمام قبل الدورة
ألم الدورة وغازات في البطن مع استمرار دخول الحمام قبل الدورة
صباح الخير علي اهل الخير عاملين ايه
طبعا انا وانتم في نفس حالة كل شهر وانتظارنا للحمل طب ماتيجو ندعم بعض وكل واحدة تقول حاسة بأية علشان نستفيد من بعض ولو حصل حمل بإذن الله مع أي حد فينا أو معانا كلنا ان شاء الله نبقى عرفنا شوية أعراض الباقي يستفيد منها وانا هبتدي
الأعراض اللي حاسة بيها من بعد التبويض
دوخة وغثيأن خفيف اووووى وتعب وإرهاق من أقل مجهود
ودلوقتي بقالي يومين حاسة بكركبا وأصوات في بطني وغازات باستمرار ودخول الحمام كتيررررررر اعزكم الله
ودرجة حرارتي سابتة علي 37
والنهاردة حاسة بوجع خفيف زى وجع الدورة وكأن الدورة هتنزل
انا دورتي ليها شهرين بتجيني في اليوم ال 25
جاتني يوم ٢ / ٣ الشهر دا والنهاردة اليوم ال 19 يعني باقي علي ميعادها 6 ايام
يااااااارب يجعلنا كلنا حوامل الشهر دا