السلام عليكم بنات شلووونكم انشاء الله بخير.. كثير من البنات تحب ان يكون وجهها مدور وسمين وجسمها رشيق والبنات يلجأون للمسمنات ويشوفون انه جسمهم يسمن والكرش يطلع متر ليقدام والوجه يسمن شي قليل ههههه ... طبعا هاية الوصفة بسيطة جدا وغير مكلفة ومجررربة و ع مسؤوليتي 😆 لكن اذا كان وجهك حساس راجعي حساباتج قبل لاتحطيها
المكونات : ملعقتين خمرة باودر ،،، ماء ورد بارد حتى يشد البشرة
طريقة العمل : تحطين الملعقتين خمرة في صحن صغير وتبدأين تضيفين نقاط من الماء ورد ع الخمرة وتمزجيهم بالملعقة الى ان يصير قوامه مناسب مو جدا ثخين و بيه ليونة قليلة ع قد تكدرين تشيلينه بالملعقة وتحطي ع كل وجهج من عدا خشمج طبعا اذا تريدينه يسمن خلي عليه عادي هههههههههه تخلي بطريقة المسح وبطريقة متساوية طبعا وطبقة متوسطة لا ثخين ولا خفيف وتتركينة لحد ما يجف تمااااما وتتاكدين منه بعد ما يجف تفركينة هو وبوجهج تفركينه تقشرين كل وجهج بيه وراها تغسلينه بماء دافئ وتنشفيه بمنشفة ناعمة .. حتشوفين نتيجة من اول مرة وخدودج تشوفيها منفوخة..تكررين العملية مرة كل يوم لحد ماتوصلين للحد التريدينه وادعووولي بالحمل القريب