حلم وردي ....
اللهم آمين ياربي
عمري ويسهل عليك تربيتهم ويجعلهم بارين لك ولأبوهم إخذي راحه بعد الولاده
لاتحملين بسرعه تفرغي للعيال وتربيتهم أحس التربيه صعبه مرهقه الله يآجرنا
التغير ماعليك انتي مو شينه لكن تغير الهرمونات لابد من بعض السمار والإرهاق يكون مافيه وقت للعنايه بالبشره وتتراكم الأشياء ... انا زدت تقريبا 12كيلو مدري للتاسع كيف بكون الحمدلله اني طويله ولا كان علوووووم
نكست قالولي عنه خواتي قلت بدخل أشيك وأخذت كم غرض من جولي شيك وشكلي اول الشهور بعبر حالي بملامبس من سابق ولد أختي الأفرولات والشباحات
حلوين مو متغيرين لما تتعدل صحتي واستقوي واطلع اخذ له شي على ذوقي
Zoon
تسلمين حبيبتي الله كريم
ايه والله الحمدلله اللي وصلت لهالشهر وهالأسابيع يالله لك الحمد والشكر اللي اكرمني جاتني لحظات يأس اول الشهور استغفر الله لكن الحمدلله عدت على خير
هو الولاده بهالشهر مو خطر علينا لكن حلاتها تطلعين من المستشفى وهو بحضنك وخوفك من هالمستشفيات مايتأمن عندهم على قطو شلون بيبي الشكوى لله بس
انوار ...
عمري منوررررة
ايه والله الحمدلله اللي وصلت هالشهر بالسلامه موبس انا احاتيه والله اشوف التفكير بعيون امي الله يطول بعمرها ومحاتاة زوجي وامه وابوه وكل بيتنا وبيتهم يالله لك الحمد ان شاء لله يفرحنا كلنا بجيته بالسلامه ...
اذا شفت سؤالهم وتفكيرهم فيني بأول شهوري اصيييييح اقول لزوجي خوفهم علي احسه هم شايلته بقلبي تخيل لاقدر الله صار شي ونزل البيبي انا بتعب مضاعف تعبي استغفر الله مرت علي ايام اصيح بدون اسباب لما تهزأت وصرت كل مااحس بالغبنه فتحت القرآن او اقرا سور القصيره والحمدلله عدت ربي كريم ماخيبني
الله يساعدك على النقل والحوسه ليش ما أجلتوها لبعدين اريح لك
الله يعينك
ومشكورين كلكم ع الردود الجميله
أم جيان
منورة عيوني الله كريم يبلغنا وكل حامل بسلامة اجنتنا وسلامتنا