الظروف المحيطة بك هي لي مأثرة عليك انا بتابع كل مواضيعك
المشاكل والظروف الصعبة والمحيط هن لي بيغيرو الانسان ويأثرو بتصرفاتو كلنا نمر من ظروف وأزمات بس خليكي قوية وتغلبي على الصفات الي انتي اكتسبتيها مادام هي مو شخصيتك وانتي اكتسبتها تقدري تتغيري لان الطبع يغلب التطبع
خذي ورقة وقلم وحددي عيوبك المكتسبة وحاربيها وحددي صفاتك الحلوة لي بلشت تروح منك ورجعيها
واعملي جرد لمشاكلك وحاولي تلاقي حلول
في مشاكل ربي وحدو يقدر يحلها كتأخرك بالانجاب هذي اكيد مأثرة فيك خليها لرب العالمين هو يحلها
اما باقي المشاكل سهلة مثل المشاكل المادية فينا نتغلب عليها بحسن التصرف والتدبير
المشاكل العاطفية مع الزوج هيدي سهلة تنحل نزرع شوية حب وشية ذوق ورقة ونسقيها بشوية دلع وكمان الاحترام تكبر شجرة
الحب
مشاكل اهل الزوج عامليهم بالحسنى وحبيهم من قلبك وبصدق اكيد مع الوقت رح يحطوكي بعيونهم
ما دمتي جواتك عرفتي انو في شي مو مظبوط برافو عليكي معدنك طيب وانتي حاولي ورح تنجحي