ضعف في التبويض بسبب اضطراب في الدورة الشهرية
السلام عليكم و مرحبا بكل اعضاء المنتدي
انا حابة استفسر من الاخوات عن مشكلة صارت منغس عليا حياتي والله صارت نفسيتي زفت حابة اطلب الاستشارة منكم وتقولولي شو هو الصح
انا متزوجة حوالي 4سنين و عند ولد الله يبارك لي فيه ويطول في عمرو انا كنت بعمل عزل طبيعي حتي ما احمل وزوجي كان معارض الفكرة. المهم بعد سنتين قررت ان يكون عندي ابن ثاني وبعد ثلاث شهور ماصار حمل وقبلها بسنة صارت الدورة عندي مو منتظمة تتاخر من 5ايام لحتي 10 ايام حتى تيجي واستمرت معي الحالة لحد اليوم.
الشهر الماضي رحت عند الدكتورة وخبرتها انو الدورة عندي مو منتظمة .
عملت لي سونار وقالت لي انو الرحم كتير مليح بس عندي ضعف في التبويض بسبب اضطراب في الدورة الشهرية.
وصفتلي حمض فلويك اسيد و كلوميد المنشط وحبوب الاستروجين لمدة شهرين.
المشكلة انا كنت خايفة اخد الكلوميد اني اسمع انو بيعمل تكيس بس هي قالتلي
انو ماعندي تكيس و مافي خطر عليا. المهم اخد كلوميد بس مافي فايدة الدورة نزلت يوم 32 و غزيرة وألام كتير خصوصا في الجانب الايسر وما صار حمل ياتري شو السبب ؟
و شو رايكم اكمل العلاج و لا وقفو انا بشوفو ماعمل نتيجة
انا كتير خايفة من التكيس يحصل
و شو سبب الم في جنبي الايسر قبل الدورة وعند نزول الدورة و الله كتير خايفة
خايفة ماجيب اولاد مرة ثانية وابني يتربى وحيد
طولت عليكن بس مقهورة من جوى
استغفر الله و الحمد لله على كل شئ
ضعف في التبويض بسبب اضطراب في الدورة الشهرية