[غلا غلا]

السلام عليكم و رحمة الله و بركاته
من جد انا بحب هالمنتدى فيه مواضيع مفيده و ردود الاخوات اكثر من رائعة

انا صرلي سنه و 3 شهور متزوجه و الحمدلله على كل حال ما صار حمل لحد الان
عملت فحص الهرمونات طلع هرمون الحليب عندي 25 فاعطاني الدكتور دوا نص حبه بالاسبوع و نزل الهرمون الحمدلله
بعدها ما صار حمل و كتبلي الدكتور على منشطات من تاني يوم الدوره لمده خمس ايام و طلب هالشهر اعمل اشعه صبغه للرحم تاسع يوم الدوره و عملتها و رجعت عندو حكالي الحمدلله كل امورك تمام و شاف عندي بويضتين كبار و اعطاني ابره تفجيريه و هلا باقي على دورتي 12 يوم

بس لاحظت بعد الابره ان رائحه الافرازات قويه اعزكم الله مين عندو فكره ليه؟؟
و كمان الم اسفل الضهر صرلو يومين جدا قوي

اللي جربت اشعه الصبغه يا ريت تعطيني امل هل ممكن يصير حمل؟ مين عندو تجارب ابر تفجيريه و منشطات و شو صار معكم نتائج؟
اسفه طولت عليكم بس والله تعبت من الفحوص و الادويه و حاسه اني محبطه جدا
ربي لا تذرني فردا وانت خير الوارثين