السلام عليكم يا بنات
انا سجلت هنا مخصوص علشان الموضوع ده ويارب تقدروا تفيدوني :)
انا دلوقتي كنت عند الدكتور لان البريود بتاعتي متأخره وكشف عليا وقاللي ان البويضه المفروض تنزل وتيجيلي البريود يوم ١-١٢-٢٠١٦ ( كده يبقي متاخره شهر ونص ) ... المهم يوم١-١٢ جه والبريود مجتش بس نزل عليا افرازات بنيه ( شبه اللي بتنزل قبل البريود ) قولت خلاص كده البريود هتنزل وجالي وجع في رجلي من فوق ( الفخد الايسرر ) ووجع بطن وظهري يعني اعراض البريود كلها ... فضلت الافرازات دي حوالي من ٣-٤ ايام واختفت روحت للدكتور يوم ٥-١٢ وكشف عليا وكتبلي دوفاستون وقالي لو فيه حمل هيثبت ولو بريود هتنزل بعد اليوم الخامس للدواء ( باخد ٤ حبات في اليوم - ٢ الصبح و٢ بالليل ) وقالي لو مجتليش البريود لحد اليوم الخامس اعمل تحليل حمل ....
المهم بكره هو اليوم الخامس ومفيش حاجه نزلت غير افرازات بنيه تاني ( ومره افراز بني غامق ) ووجع ضهر فظيع اليومين دوول ومغص زي البريود بس علي خفيف شويه وعاوزة انام .
بس مفيش دوخه ولا غثيان ولا اي حاجه
بس كلام الدكتور شككني انه ممكن يكون فيه حمل !!
سؤالي بقي
هو ممكن يبقي فيه حمل وتنزل افرازات بنيه مع الدوفاستون
وتفتكروا ممكن يكون حمل علشان كده البريود مجتش ونزلي افرازات بس ودي كانت اول مره يحصلي كده ...
ولو مش حمل طيب الافرازات دي معناها ايه ؟؟ انا لفيت في جوجل عرفت انها اعراض حمل بس خايفه اصدق :(
وازاي البريود متنزلش اذا كان الدكتور تابع التبويض وقالي ميعادها ١-١٢
وازاي ممكن يكون حمل وانا مش حاسه بتعب :D
انا محتاره اوي .. هو ممكن يحصل حمل وانا البريود عندي ملخبطه ؟؟!!
حد منكم حصله كده وطلعت حامل
طمنوني الله يطمن قلوبكوا ويرزقنا جميعا بالذريه الصالحه .gif "hwaml12")