[ام ياسمين*]

المرحله الثانيه :
---------


اللي راح تحسين فيه ان التقلصات تكون بين 3-4 دقايق وتدوم لمده
40 ثانيه بشده واقوى ممكن يكون الالم في الظهر من متوسط الى شديد
الرحم يكون فاتح 5-8 سم
وهذي الفتره اقصر من اللي قبل

حاولي تتنفسين بالايقاع البطئ اذا انت قادره
واذا مانفع سوي التنفس السريع السطحي اللي هو
شهيق وزفير من الفم (يكون الزفير بشكل حرف (o) او (هي) او (هاه)
حاولي يكون التنفس خفيف سطحي ومريح
اذا حسيتي بالدوخه ممكن يكون تنفسك سريع لازم تبطينه

اللي ممكن تسوينه :
-----------
التدليك اللطيف للكتفين والظهر مفيد
تغيير الوضعيه باستمرار
استريحي بين التقلصات
فرغي المثانه كل ساعه
استخدمي وضعيات تساعد في فتح عنق الرحم وهي تساعد الجنين يتحرك للحوض بسرعه ويقل الالم
مثل المشي والقرفصاء والركوع للامام على كرسي او كره الولاده

في هذه الفتره تذهب للمستشفى وكملي هناك الوضعيات اللي راح اذكرها بدون حرج او خوف
ولا تنامين على ظهرك وتسكتين لانه راح يزيد الالم وتطول الولاده بعدين يقولون لك عمليه
وكل هذا بيد الله وبذن الله تكون ولاده سهله وميسره

يتبع