[العليا]

سنه و نص يا اختي حرام هالتفكير يفكر فيه زوجج ما يخاف الله هذا كله ب امر الله مب بيدج شي عيل اللي ست او سبع او عشر سنين او اكثر شو يقولون حرام ما يجوز يعاملج بهالطريقه لو الخلل منه هو ما كانت تكلم الله يهدي زوجج و يسخره لج .. شوفي يا اختي نصيحه ابتعدي عن الادويه و المنشطات ريحي جسمج ع الاقل شهر اذا مب شهرين انا كنت مثلج طبعا سنه و نص ما حملت و كنت اروح للعيادات وانا كملت ست شهور من زواجي و مافي فايده لين ربج راد و وحده من صديقاتي قالت لي ع خلطه طبيعيه و فعلا جربتها و فادتني كثير لن المنشطات للاسف سببت لي اكياس و التهابات و غيرها ,,, انصحج اجربين الخلطه و ان شاء الله تفيدج و سويها لحالج في البيت لا تاخذينها جاهزه من العطارين .. عسل مشبع بغذاء ملكات النحل بودره طلع النخل حبوب اللقاح و زيت حبه البركه الاصلي اخلطيهم و خذي ملعقه فليل و ملعقه الصبح و راح تشوفين مفعولها من اول شهر طبعا استخدميها ثاني يوم الدورهلين توصلين ايام التبويض .. هذي الخلطه تنشط المبايض و تنظف الرحم و تفتح الانابيب و تكبر البويضات .. و قبل ايام التبويض خذي عين الجمل تقدرين يا انج تخلطينه ب حليب او تاكلينه لحاله هذا بينشط لج البويضات و يكبرها .. و خذي جهاز التبويض ديجيتال من الصيدليه و استخدميه بعد اسبوع او 12 يوم بعد الدوره و لما يطلع الفيس المبتسم معناته البويض بتنزل قريب خلج ع الجماع لمده 3 او 4 ايام و ان شاء الله ربي يفرج همج و يرزقج الذريه الصالحه و يسخر لج زوجج