[بحــ العيون ــــــــر]

طرررري ولذيذ وينافس اي سينبون 👌 اولا مقادير اي عجينه انتي معتمدتها للفطاير
عجينتي :
علبة زبادي
كوب لبن
ملعقتين سكر
ملعقه خميره فورية
نص ملعقه بكنج باودر
ربع كوب زيت ملح
كوبين ونص الى ثلاث اكواب طحين
الطحين ممكن تحتاجي اقل او اكثر حسب النوع
نضيف الطحين لغاية مانحس انه حصلنا على عجينه مع اضافة الدقيق نضيف ظرف دريم ويب واذا كمية العجينه اكثر نضيف ظرفين وهو سر طروواة وطعامة السينابون 👍
نترك العجينه تخمر وبعدها نشكلها بالشكل العادي للسينبون
الحشوه انا عملتها ملعقة سكر ابيض وملعقة سكر اسمر ملعقتين قرفه مطحونه وملعقه كاكاو وانتم ورغبتكم بعد تشكيلها نتركها كمان شوي ترتاح وبعدين ندخلها الفرن ومجرد ماتبدأ بالتحمير الخفيف من تحت نحمرها خفيف من اعلى ونطلعها نتركها شوي
وبعدين نغطيه
ونجهز الصوص الصوص
/ 1/ نخلط نص علبة نستله مع 3مكعبات كيري بالخلاط وممكن تدبلي المقدار
2/ هرشي سايل
3/ ثلاث ملاعق زبدة اللوتس نذوبها بالمكرويف او بحمام مائي نصب النستله مع الكيري ونغطي السينبون فيه ونزينها بخطوط الهرشي واللوتس وتزين بالجوز الافضل نقدم السينبون وهو دافي وممكن نحتفظ فيه في الثلاجه وعند التقديم نسخنه ونصب الصوص عليه