السلام عليكم حبايب شخباركم عساكم كلكم بخير وصحه وعافيه
اليوم عزمت وتوكلت وقلت لازم افتح هالموضوع عشان نتشارك ونتجاوب ونتسائل ونعطي آراء وتجارب مرت عليكم
انا ودي يابنات اعرف بالضبظ والتفصيل المملللللل
عن الزوج الجنوبي والشرقي
انا طبعا اخذت كثيير معلومات عن الزوج الجنوبي والشرقي لكن المشكله احس احيانا انه زوجي مرات شرقي بالقوه ومرات جنوبي بالقوه يعني كيف احدد وكيف اتعامل معاه انا طبعا مو مقصره اذا راح يمين رحت معاه ههههههههه واذا راح شمال رحت معاه بس انا ابى حل وسط
خخخخخخخخ حسيت انهم بوصله
المطلوب من كل وحده تقول
الزوج الشرقي كيف يكون
والزوج الجنوبي كيف يكون
وكيف تتعاملون معاهم وكيف النتائج
صراحه انا اكتشفت وتاكدت من معلومه اذا الوحده عرفت
زوجها كيف تكون اطباعه وعرفت كيف تتعامل معاه بتكون في قمه قمه قمه السعاده ف لازم نتساعد وناخذ من التجارب يمكن في وحده فينا غلطانه ومش غلط انها تصحح مفهومها
انا بالنسبه لزوجي
احس انه انسان يحب الدلع كثييير ويحب التغلي يحبني اتغلى عليه يعني اذا ثقلت عمري عليه وحسسته اني ابيه واايد وما استغنى عنه يثقل ويصير مش هامه اي شي اسويه
بسسس اذا سويتله طااف عقولتنا بالخليجي يعني اذا اهملته وحسسته انه مش كل حياتي يركضضضض ركضض عندي واحس انه بس يختلق المواقف عشان يكلمني او يتقرب مني طبعا الاهمال مش بالبيت او بالواجبات لااا بالعكس اكون عسنغه عشره انا وبيتي واكلي وطباخي وملابسه وكل شي يلق لق من النظافه بس اسوي نفسي مشغوله بتلفوني مع بنتي او فالبيت او اشوف tvاو اشرب قهوه هني يتخبل
وبعد لمن اطلب منه طلب لازم يكون بدلع اذا طلبت ق طلب وكانه اي طلب ومجبور تجيبه ابدا ابدا مايعجبه
وزوجي يحب يعلي صوت التلفزيون وحتى نحن نتكلم هذا اكثر شي مايعجبني اكرررره صوت التلفزيون وانا قاعده اتكلم هو عادي عنده اذا دق تلفونه يتكلم وما كانه في صوت تلفزيون عااالي احيانا انا امسك الرموت واسكر عشان يعرف الي قاعد يكلمه يسمعه هههههههههه
طبعا بالنسبه لي انا مافي وحده ماتحب الرومنسيه ووالحب والدلع والطلعات والهدايا بس اكتشفت وتاكدت موخراً انه الشخص المسؤل عن سعاده الشخص هو نفسه يعني مافي احد فالدنيا ممكن يسعدني قد نفسي يعني ما انتظر حد يسعدني ممكن اني اكون اسعد انسانه بدله قهوه وشاي عاااادي ههههههههه والله
هذابعض ما عندي واذا ضليت اتكلم مابخلص هههههه وبدخل اكثر
لذالك حبيباتي اتمنى تقولولي رايكم زوجي شنو برايكم انا اعرف بس ابى رأيكم وشو رايكم فيني انا شرقيه او جنوبيه
يارب الكل يشارك هذا موضوع حلو ومهم جدا
وفي توضيحات بقولها بعدين بس اشوف المشاركات
وطبعا اتمنى الكل يشارك اعتبروها فضفضه شوي