السلام عليكم
الحمدلله على قضاءه و قدره ،، الله يعوضني بأفضل منه يا رب
احس تعبت مع هذا الحمل كثير تجارب جديده مرت علي ،، ما توقعت ابدا اني بيوم ابجهض ،، حزينه جدا و ودي تمر هذي الفترة بسرعه ،،
و صلت للأسبوع العشرين و يوم خلصته بالضبط بدا الم الطلق خفت في البدايه و رحت للمستشفى قالوا جفاف و أعطوني محلول و مسكن بس افرازاتي الورديه من الشهر الثالث ما توقفت و اذا كشفوا علي قالوا سليم و العنق مغلق،، رحت البيت عشان ارتاح بس رجع لي من جديد و على وقت المغرب رحت على اقرب عياده و أعطتني مثبت و محلول ،، اليوم الثاني صحيت الصبح على الم الطلق و احس أقوى من قبل ،، و كنت ابكي و حاسه اني ابجهض لان مو معقول بيجلسون كل يوم يسكنونه و غير كذا الالم نفس الم طلق الولاده بالضبط حار جدا ،، و عطوني مسكن و سئلت الدكتوره تتوقعين ابجهض قالت الدكتوره انا اشوف في السونار كل شي في مكانه و العنق متوسع اقل من نص سم و تقول هذا طبيعي لأنك قد ولدتي طبيعي قبل ،، و كنت اقولها ان ألمي ما يحتمل طلق فضيع و يرجع بعد المسكن على طول و انا خايفه أطلعه في السادس خايفه على الجنين ،، قالت اللي ربي كاتبه بيصير ،، طلعت ابكي مع انهم مسكنين الطلق بس من الهم و الخوف ،، و اليوم الثالث صحيت على نفس الطلق بس هالمره بمووت منه و رحت للطوارئ و احس الجنين نزل لدرجة اني ما اقدر اجلس كأني جالسه على كوره و كأن شي يشفط من تحت و هنا عرفت انها ولاده ، انا قد جربت الولاده الطبيعية بس كنت حاطه إبرة الظهر فأحس الحين شعور جديد احس بنزوله قبل لا ما احس بشي ،، يوم شافوني اقول بيططططلع بيطططلع جابوا سرير متحرك و حطوني بسرعه و انا دفعت غصب عني و طلع الجنين شعور يضيق الصدر و راح الالم بسرعه بس نفسيتي مره تعبانه و ابكي طول الوقت ،،، و قلبي تقطع يوم شفته كان كبير و يكسوه الجلد الا صدره احمر و وجه بس ملامح فيه سبحان الله الى الحين صورته في بالي ،، لي الحين يومين و ضايق صدري جدا جدا ،، و صايره اخاف من الفقد كثير ،،
الحمدلله على كل حال ،،
الحين صدري امتلى حليب هل أشفطهم و لا أخذ حبوب تجففهم ؟