السلام عليكم ورحمه الله وبركاه
كيفكم بنات
رجعت لكم بعد غياب طويل ولاكن بحيره من امري
فديتكم بنات الي عندها خبره بالموضوع تقولي
اولا مثل ماتعرفون انا بدوله اوربيه واكبر اجراء للحمل يسونه هو تحليل البول اكرمكم الله
يعني لاتقولون راجعي دكتوره ياليت في دكاتره مثل الدول العربيه اروح انام بباب العيادات ومارجع الا لمه القى جواب شافي
المهم طولت الموضوع عليكم
انا دورتي تنزل كل 26 يوم بالتمام والكمال لاتاخر يوم ولاتقدم يوم يعني المحروسه منضبطه معاي
اخر دوره جت لي يوم 30-3-2016
يعني المفروض تجيني يوم 24-4-2016
يعني ع حسابي متأخره 4 ايام واليوم لي 29 يوم يعني بكرى بأذن واحد احد اكمل شهر
المصيبه وين ؟؟ بالتحاليل المنزليه جبت 7 مو واحد
اول تحليلين سويتهم قبل موعد الدوره بيومين واعطاني سالب
وسويت بيوم الدوره وبعد سالب
سويت ورى الدوره بيوم اعطاني خط خفيف يادوب ينشاف بعد نص ساعه طلع المحروس الخط
ووراها بيوم نفس النتيجه
ووراها بيوم اعطاني خط خفيف بس بسرعه بان الخط الثاني بس بعد حيل حيل خفيف
اليوم حللت تحليل عادي اعطاني سالب
انا ساكنه دور رابع وباليوم اصعد وانزل خمس او اكثر بسبب المشاوير والمواعيد
بعد ماحللت اليوم قلت خل احلل بجهاز دقيق واقطع الشك باليقين رحت شريت جهاز كلير بلو الديجتال الي يكشف الحمل قبل موعد الدوره باربع ايام
ضل يلعب باعصابي لمه حللت يمكن خمس دقايق وعقب عطاني سالب تحطمت وربي والدموع اربع اربع كنت متعشمه حيل بالحمال هالشهر
لاني تابعت التبويض وصار جماع بأيام التبويض وحاشني الم بحلمات الثدي وحسب ماقريت من قوه التبويض ماشاءالله
استمريت اخذ الدفاستون من يوم 16 ولغايه امس يعني امس اخر حبه
الحيره وين الاشهر السابقه بعد كنت اتابع التبويض واخذ الدفاستون ولاكن كانت تنزل الدوره بموعدهاوحتى وانا اخذ الدفاستون
هالشهر لا امس كانت اخر حبه والتحاليل نصهم موجب ونصهم سالب
اخاف اقطع الدفاستون ويطلع حمال ويطيح وخصوصا انا لي اجهاضات خمسه سابقه وساكنه دور رابع
واخاف مااقطع الدفاستون واضر نفسي واضر رحمي
بالسابق كانت عندي اعراض الدوره قويه جدا
ومن بعد ماعدا موعدها اختفت تماما ولاكن تجيني تقلصات بين الحين والاخر
اعراض حمل ماعندي او بالاحرى ناسيه الاعراض والله
اللهم عندي بروز بالحلمتين وتحسس فيهم ورغبه بالنوم ويصاحبني غثيان خفيف لمه اقعد الصبح
حايشني زكام هاليومين خفيف
جاوبوني ع كل اسالتي ولاتخلوني بحيره ترى والله مادري وين اروح وشسوي
قولولي اقطع الدفاستون ولااكمله ولاشنو بالضبط