السلام عليكم
كيفكم انشاالله طيبين
يشهد الله عليا اني اكتب الموضوع وعيني منفوخه من كتر البكى ومره توجعني
انا زوجي جدا عصبي
واليوم كنت جالسه اسقي ولدي الدوا عشان كان تعبان
وولدي لما اسقيه الدوا مرررره يقعد يبكي كتيييير
فلما شافو يبكي عصب وجلس يقوللي لاتخليه يبكي لا ادعي عليكي اساسا انتي سبب مرضو عشان دايما تخللي المكيف مفتوووح وهوا لسه صغير
المهم سكت وقلتللو هدا طفل ولازم يبكي
قام قللي اسكتي لاتخلليني اسب اللي ودتو المستشفى اللي هيا اختي اللي ودتو لما كنت بايته عند اهلي
قمت قلتللو تسبها ليش هدا جزاتها ودتو المستشفى وحنت عليه
قام قللي لو ماقمتي عن وجهي راح السعك كف على وجهك
انا خلااااص مررره عصبت وقلتللو ماتقدر تضربني وماني قايمه من الغرفه
قام ومسكني من يدي ودفني عالارض
ورزع الباب في وجهي وقفلو على نفسو
وقلتللو انا ماني قاعدتلك في البيت ولا دقيقه
قام قللي جربي والله لا اندمك
واتصلت على بابا وقلتللو تعال خدني قللي ماراح اقدر اخدك الا بامر من زوجك لازم يكون يعرف
وزوجي دحين من الضهر بره البيت ومقفل جوالو
انا في هدي الحاله ايش اسوي
اتهانت كراااامتي بزياااده وماني قادره اتصرف
الله يخليكم ريحوني انا اعتبركم اخواتي
لو داعي اللي سواه زوجي ؟
بالله مو حرام؟؟