الي اعرفه ادق تشخيص يكون بعد الاسبوع 20
ونسبة الخطأ في جنس الجنين بداية الحمل توصل 40%
مهما كنتي ترغبين بالولد او زوجك تاكدي لو رزقك الله في بنت بتاخذ القلب والروح
اسألي الله الذرية الصالحة السليمة المعافاة
والي تحمل بالبنت تحمل بالولد باذن الله
واكد على كلام البنات زوجي كان تفكيره مثل زوجك بس حببته فيها من قبل ماتطلع عالدنيا اسولف معها وهي في بطني اطير لما اشوف بنات وحقيقي انا احب البنات وكنت اتمنى اول حمل لي بنت حتى قبل ماعرف جنس الجنين كنت اقول بنتي او ولدي لاحظي اقدم البنت قبل الولد لاني عارفه قد ايش هو وعيلته يحبون الاولاد وتعالي شوفيه الحين ماخذه عقله وتفكيره بدلعها وحركاتها حببت فيها الجميع الله يحفظها ومريحتني بعكس الامهات الي يشتكون من اولادهم تنام معاي وتصحى معاي واسعدتني كثير مع اني كنت شايله هم من كثر مايشتكون البكريات من اطفالهم
خليه يعصب يقلب الدنيا لاتفكرين بردة فعله مصيرك بتغارين من كثر اهتمامه فيها وراح اذكرك ..
ادعي الله يسهل لك الولادة وينبتها نبات حسن ويجعلها من عباده الصالحين