[حجااازية]

السلام عليكم
....
كيف عرفتي انك حامل؟؟
قبل أو بعد الدورة؟؟
ومين أول إنسان فرحتيه بحملك؟؟
وكيف كانت الطريقة؟؟


بالنسبة لي.. آخر حمل عرفت قبل الدورة بأسبوع
زي كل حمل يمر علي.. تجيني نفس الأعراض..
وأعرف قبلها بأسبوع وبدون تحليل..

يجيني شد في أحد الجانبين لما أقوم بسرعة..
دوخة خفيفة في الصباح..
لون البول يتغير الله يكرمكم ويصير (ضبابي وغامق)..
نوووووم أوفر..



طبعا زوجي أول انسان يعرف😆
ولازم أخبره بطريقة جميلة💕💖

في حملي الأخير احتفلت معاه في مطعم🍷🍝
ولما رجعنا البيت وراح يبغى ينام
لقي هدية على مخدته🎁🎀
عبارة عن ملابس طفل داخلية مطوية ومربوطة بشريطة حمراء..
وجلس يطالع فيها مستغرب..

قلي: ايش هذا؟؟ منشفة؟؟
قلتله يمكن!! افتحها وشوف..

ولما فتحها.. تفاجأ😲
وجلس يقرأ الكتابات اللي عليها والابتسامة ماتفارق وجهه..
كنت كاتبة..
(بابا حبيبي.. بتوحشني من اليوم..
انا أستنى اليوم اللي تشيلني فيه وتحطني في حضنك..
ماما أمانة عندك..
أهتم فيها ودلعها وشيلها في عيونك..
التوقيع.. ابنك/ابنتك

قام ينطنط من الفرح ويضمني.. وسجد سجود شكر لله..

واليوم بنتي في حضني عمرها سنة ونص..
ومجننة أبوها بدلعها وغناجتها وشقاوتها🍼🐛👶

ربي يحفظها ويحفظلكم أولادكم
❤❤❤❤