السلام عليكم
هذا الموضوع يخص تحاميل التثبيت البروجسترون ( سايكلوجيست ) 400
اذا ناخذها مهبليه او شرجيه لانها ممكن تؤخذ بالمكانين
اختلتفت الاقاويل حتى بين الدكاتره ما اعرف اذا كانو في حالات معينه يصفوها للمريضه مهبليه والى اخرى شرجيه
ودورت بالنت كثير لقيت فيه فريقين ارائهم مختلفه
انا شخصياً مساعدة الدكتوره قالت لي الافضل اخذها شرجيه مع اني كنت اخذها مهبليه والى اليوم الخامس من الترجيع
لكن بصراحه انا مو مطمنه لان اغلبها يطلع برا مع اني انام على ظهري لساعات طويله
سالت اكثر من دكتور وكل واحد له وجهة نظر
قمت واتصلت على الصيدليات وكلمت الدكاتره وكلهم كان ردهم واحد
لاحظو اني اتكلم عن تحاميل معينه تحاميل البروجسترون ( سايكلوجيست ) 400 اللي اصلا ممكن ناخذها شرجيه او مهبليه
اللي قالوه لي انها تمتص بالدم ويصير التثبيت واذا ما فيه مشاكل تمنع انها تتاخذ بالشرج ليش ما تتاخذ
فقررت اني اخذها شرجيه ابتداء من اليوم
وانا اقرا عنها لقيت البعض كانوا ياخذوها شرجيه سببت لهم وانتو بكرامه اسهال فصارو ياخذوها مهبليه
شي ثاني مهم لازم اذا حطيتي التحميله مهبليه تحطيها بالطريقه الصحيحه حاولت ارفق لكم صوره بس ما عرفت يعني انا كنت استخدمها بطريقه غلط.
اتمنى ما اكون طولت عليكم بس حبيت انقل لكم هذي المعلوميه لاهميتها