[زهرة ال]

انا بقى الحمد لله عملت حقن ونجح بس قبل ما اعمل الحقن بشهر الدوره اتاخرت عليا 5 ايام طبعا فرحت وقلت خلاص حمل وطبيعى وارتحت من الحقن لكن الحمد لله شرفت الدوره وطبعا عملت تحليل دم فى الوقت ده وكان سلبى المهم جوزى راح اشترالى اختبار حمل منزلى بعد الدوره ما جت وقلى اعمليه قلتله ايه اللى انت تقولوا ده الدوره جت وعايزنى اعمل الاختبار ازاى قلتله الاختبار دهحتفظ بيه وهيكون بشره خير ليا المهم بدات علاج الحقن وعملت العمليه وقبل يوم تحليل الدم بيومين قلت اعمل الاختبار اللى احتفظت بيه وانا وحظى المهم عملته وكنت لوحدى والحمد لله بين معى خطين وكان الخط التانى خفيف جدا المهم استنيت جوزى لما جه وقلتله هوريك حاجه حلوه غمض عنيك المهم وريته الاختبار فرح خالص وانا مكنتش عايزه اعرف حد غيره لحد يوم التحليل لكن هو اول ما شاف الاختبار اخده وجرلى بيه على امه وابوه ولان الخط كان خفيف محدش كان مصدق انى حامل بس انا كنت واثقه والحمد لله بعد يومين عملت تحليل الدم وجوزى خد العينه ووداها المعمل طبعا امه وامى جولى واستنوا عندى مستين الاخبار وكانوا قلقنين خالص وانا كنت مطمنه ومرتاحه خالص الحمد لله لدرجه انى فتحت الاب وقعدت العب وانا قاعده معاهم وبعدين رن جوزى عليا قلى مبروك قلتله الله يبارك فيك طبعا حماتى اول ما سمعت كده كان هيغمى عليها وحضنت ماما وحضنتنى وبكتنى معاها والحمد لله انه كرمنى بعد 7سنين ونف وبعد تانى عمليه حقن ورحله طويله لعلاج جوزى والم وعذاب ربنا يكرمك ويدى الكل يا رب ويفرحك زى ما فرحنى