وعليكم السلام والرحمة
شوفي يا ستي.. ماراح اقولك لا تخافي .. لأنه الخوف من الولادة شئ طبيعي.. وكل واحدة وخاصة الي تدخل أول مرة لازم تجيها هذه المشاعر.. وأنا مثلك كنت خايفة وميتة خوف.. وسألت البنات هنا.. وبعد ما جربت جاء دوري عشان اخدم غيري
اقتباس:
المشاركة الأصلية كتبت بواسطة nana.1985
دحين الم الطلق كلو يتركز في الظهر بس ولا كمان في ألم من تحت؟
كيف الم الطلق؟ الله يسعدكم
|
ألم الطلق زي آلام الدورة الشهرية بس على اقوى شوي.. في البداية يجيكي كأنه مغص وكأنك تبغي تروحي الحمام.. ومع مرور الساعات يزداد الألم ..
اقتباس:
المشاركة الأصلية كتبت بواسطة nana.1985
بعدين قريت انهم يستخدمو حقنة شرجيه الله يكرمكم.. هل هيا مؤلمة؟ وقد ايش لازم تجلس لين ماتاخد مفعولها؟ وتسوي مغص والم ولا عادي؟
|
أنا حطولي الابرة الشرجية بعد الولادة.. بصراحة ماكانت مؤلمة.. بس الممرضة أخذت وقت عبال ماتحط لي لأني جلست اشد.. وبعدين أخذت مفعولها مباشرة.. ماجات خمس دقايق إلا وحسيت بمغص ورحت الحمام
اقتباس:
المشاركة الأصلية كتبت بواسطة nana.1985
وقت الولادة ان كنتي تستخدمي الكمام المخدر .. هل تحسي بالم نزول الراس؟؟
|
ماأقدر افيدك هنا لأني قيصرية
اقتباس:
المشاركة الأصلية كتبت بواسطة nana.1985
لو حصل وعملولك توسعة جراحية (شق) هل ح تحسي ساعتها بشئ؟ وهل ح تحسي بالخياطة؟ وبعد الولادة جرح الشق يكون مؤلم؟
|
برضه مافي خبرة.. بس حسب تجربة أختي تقول اعطوها بنج موضعي وماحست إلا بألم بسيط .. وألم الخياطة ولا شئ مقارنة مع ألم خروج الرأس.. وبعد الولادة الجرح كان يؤلمها بس اعطوها مسكنات ومراهم
اقتباس:
المشاركة الأصلية كتبت بواسطة nana.1985
بعد ماتولدي خلاااص بالسلامة .. هل في الآام مابعد الولادة بشكل عااام (الم الضهر الحوض او المكان نفسو من تحت سواء عملولك شق او لا) ..
|
مافي ألم ظهر أو حوض.. لكن الألم تحت شئ طبيعي وخاصة لو عملوا لك خياطة.. لكن يا نانا سبحان الله الامر يختلف من واحدة للثانية.. فيه بنات يقولو مافي ألم ولا شئ .. وفي بنات يقولو الألم فظيع.. فإنتي اكثري من الدعاء وربي معاكي
اقتباس:
المشاركة الأصلية كتبت بواسطة nana.1985
نزول الدم ليه الم زي الدورة ولا عادي بدون الم؟
|
لا مافي ألم عند نزول دم النفاس
وزي ما قلت لك اكثري من أدعية الولادة وسورتي مريم والزلزلة.. وصدقيني هي مجرد ساعات.. وبالأكثر يوم وترجعي طبيعية.. ربي يقومك بالسلامة