السلام عليكم .. راح اشرح لكم بالتفصيل
الاعراض اللي لاحظتها هالاسبوعين وخاصة هالاسبوع... مع ان ناويه ما ادقق بس غصب عني لان اشياء ملفته ..
اول شي انتفاخ بالبطن مع ان قبل كان يجي خفيف خاصه قبل الدوره بس هالمره اسبوعين الاحظ انتفاخ يستمر لوقت طويل و لما اوقف قدام المرايه و اطالع لبطني .. الاقي الانتفاخ اكثر شي اسفل البطن .. قبل كنت اصبر ماروح للحمام وانتوا بكرامه .. هالفتره مقدر اصبر اكثر من 4 او 5 دقايق بعدها خلااااص لازم اروح .. وفيه عندي ستيانه كنت ارتاح فيها لانها مريحه و على حجم صدري .. هالاسبوع لاحظت ان صدري يطلع منها ولما دققت اكثر لقيت صدري منتفخ بس بدون ألم بس انتفاخ .. والمنطقه اللي حول الحلمات احسها كبرت صارت دائرة اكبر و الحلمات صار لونهم غامق قريب للسواد .. ولاحظت خط بني خفييييف تحت السرة ممتد من السره الى اسفل البطن .. والشيء الغريب فعلا واللي فقدته هو نبض السره .. مع ان ممكن يكون خرافات بس انا متعوده عالنبض ببطني يكون قوي قبل اتزوج دايما احس فيه ومرات يصير قوي وسريع و يبان لما اضيق لبسي يصير يرف فوق الملابس و اذا مابان امسكه بطرف اصبعي و احس فيه .. من كم يوم فاقدته لدرجة اضغط بقوه مافيه و انام ع بطني واحط اصبعي ومافي و انام على ظهري مافي .. و احس ب الام بالجهه اليمنى من الرحم و اسفل البطن تجي وتروح مجرد نغزات .. و عند الجماع احس الرحم ضيق يعني اعذروني على هالكلام بس يصير بصعوبه اكيد فهمتوا علي ..
وبس هذي الاعراض اللي لاحظتها يعني مافيه اشياء ثانيه مهمه ومافيه وجع يتعبني .. وماكنت ناويه اكتب بس حبيت اسألكم لان حسب اللي قريته قبل ان فيه من هالعلامات علامات حمل حبيت اتأكد قبل اتفائل لان انتوا خواتي و دايم افضفض لكم واسألكم وتساعدوني