أنا دايماً تطلع عندي مقرمشة ما أدري كيف
أقول لك طريقتي
أغسلها وأقشرها وأقطعها طوال وأغسلها في سلة عشان الماي ينزل
والزيت أستخدم زيت دوار الشمس نور أستخدم كمية بحيث أن البطاطس تصير كلها مغمورة في الزيت
أسخنه على نار قوية وعشان أتأكد أن الزيت ساخن أحط بطاطساية في الزيت
وإذا شفتها غطست في الزيت وما ارتفعت بسرعة معناها الزيت لا زال بارد أما إذا غطست وارتفعت مباشرة وعملت تشششش معناها الزيت جاهز للقلي
ولما أجي أحط البطاطس أنزل علي النار شوي وبعدين أرجع أرفعها
لما أحط البطاطس أحركها عشان ما تلزق في بعض بعدين ما أحركها نهائي
لما أجي أشيل البطاطس أستخدم الملاس الشبك وأحياناً المنقاش ولازم يكون البطاطس فيه شوي لون لأني ما أحب الغامق مره
وأخليها بصحن مغطى بورق نشاف وأرش الملح
وعلى فكرة أنا فرني غاز لأني ما حبيت الكهرباء
قولي لنا طريقتك يمكن نعرف سبب المشكلة ؟