[حبيبةة امها]

السلام عليكم ..

حابه افضفض شوي

انا متزوجه من 4 شهور تقريبا ..

والحمدلله انا وزوجي متفاهمين وماتصير مشاكل بيننا ولا مره شفت اللي يقولون عنها مشاكل زوجيه الحمدلله كل يوم يعدي يكون يوم خفيف وجميل .. مرتاحه معه مره وهو مرتاح معي .. بس مشكلته يحب يغيضني يحب يشوف غيرتي ..
و اكثر موضوع ينرفزني لما يمزح انه بيتزوج علي مع ان ب أوقات الجد يجلس يعبر لي عن حبه لي و انه مايشوف غيري ولا يحب غيري و ان لو رحت عنه ماراح يفكر بالزواج و انه لقى فيني كل شي يتمناه و و و الخ بس هذا الكلام ماطلع الا مره وحده عبر لي فيها وانا عارفه ان الرجال هذا طبعهم .. بس هو عنده اخ متزوج 2 وماشاء الله كأنهم خوات .. بقولكم مواقف صارت بالمزح اللي قهرني ..
ماكنت متعوده ع شغل البيت والطبخ .. كنت احاول بس ما الحق ع شي ومافي شي يضبط معي .. لما يشوف شغل مرت اخوه يجلس يمدح واقوله فيه من يساعدها > اقصد شريكتها < يقوللي تبين اجيب لك وحده تساعدك .. ويضحك مرات اغيضه ببرودة اعصابي اقول له ايه ياليت و الخ بس لما يزودها اعصب ..
و كثير مواقف .. و اخرهم اللي اليوم كنا نشوف حلقة من برنامج وكان عن الزوجات ومشاكلهم وتفاهمهم والخ .. قلت انا مالومها لان كيف الوحده تصبر تشوفه مع غيرها كيف تتحمل هالشعور .. قال تبين تجربينه .. لازم اعيشك هالشعور .. هو يقولها اسلوب مزح بس قهرني لان مو اول مره مع ان ادري يحبني لما اعصب بس هالمره ماعصبت سكتت ولا تكلمت وقاللي زعلتي ؟ زعوله تزعلين من مزح .. وجلس يحاول فيني يراضيني يرفع راسي يطالع بوجهي يلفني عليه وانا ماتكلمت ولا طالعت بوجهه لحد ما نام .. بكره ان شاء الله راح اقوم بواجبه بس راح اضل على هالاسلوب لما يعرف انه جد ضايقني ..

انا اخاف ان المزح مايجي من فراغ اخاف هالشي يدور براسه جد ..
مو معقول لانه يحب غيرتي يضل يغيضني باستمرار ..

معليش بس ما جاني نوم وقلت افضفض شوي واشوف رايكم