السلام عليكم ، حابه احكي قصتي مع الكلوميد وابر التنشيط وابر التفجير يمكن تستفيدو من تجربتي وتفيدوني بنفس الوقت
اول شي الدوره نزلت اليوم العصر والحمد لله من قبل ومن بعد نزلت باليوم 19 من الابره التفجيريه واليوم السابع من ترك الدافستون
انا اخدت ابر تفجير عن يومين بعد ما اخدتها حسيت بالم وثقل في الحوض وجع بالارجل ، وطبعا عملت اختبار حمل منزلي بعد الابره بيومين وب7 ايام و8 ايام بعدها ماعملت لليوم 14 واليوم 15 صدري بدا يوجعني من اليوم 13 من بعد الابره واخد بالازدياد وبيوم الدوره حسيت بنغزات بالحلمه متل الدبوس تقريبا 7 نغزات ورا بعض ، استبشرت خير لان اول مره بحس بهيك احساس وكمان باليوم 13 واليوم 14 من بعد الابره صار يجيني الم ونغزات بالمهبل والرحم قوية جدا يعني مو الم قبل الدوره الم متل قرصه قوية بالمهبل من الداخل يشد الرحم يستمر لدقيقه من شدتو يصحيني من نومي استمر يومين وبدا يخف بصراحه بهي الايام الاخيره صار جماع اكتر من مره وخايفه يكون الجماع والمجهود والشغل البيت هوه يلي اثر عليي ، اليوم تكلمت مع دكتورة نساء وولاده وخبرتها بالكلام وقالتلي صار معك حمل كيميائي عالاغلب بس فشل بالتعشيش يعني ضعيف هاد الاحتمال الاكبر قالتلي حللي رقمي لو في نسبة حمل لو ضعيفه معناها التلقيح تم بس فشل التعشيش ما استمر ويلي اكدلها هالشي قالت الدوره اتاخرت عن وقتها كم يوم كمان لكن هاد مابيمنع تعملي اشعة الصبغه
اسفة طولت عليكم بالكلام بس شفت من الضروري انو احكيه لانو حيفيد كتير منكم ، الصوره يلي فيها اكتر من اختبار هيه لاختبارات بالترتيب 7 ، 8 ، 14 ،15 من الابره التفجيريه وكيف انو الهرمون وضح انو زاد باليوم 14 و 15