هل التصاقات الرحم يمنع حدوث الحمل
هل التصاقات الرحم يمنع حدوث الحمل
مساء الخير عليكم اجمعين ومبروك لكل الي حملت والفال حق الباجي
بنات والله نفسي ضايقه وماعندي غيركم اتكلم عن حالتي بنات انا من خمس سنوات ادور الحمل واتمناه وماخليت كل شي سويته منشطات اعشاب اشعة صبغه بدون فايده من بعد اخر قيصريه وانا حاسه ان فيه شي مو طبيبعي برحمي والحوض كله وصرت اروح من طبيب الى طبيب الحمد لله تبويضي زين وبعد تحليل زوجي زين وكل دكتور ادخل عليه يهريني بالسونار وتحاليل الهرمونات وانا متأكده ان موضوعي اكبر من هالشي وكل يوم وشهر وسنه أتأكد ان الي مسبب لي الالم الي احسه وعدم الحمل اهو الالتصاقات من اخر قيصريه خلاص يابنات اخر مره عند الطبيب يقولي مافي امل احمل لازم تلقيح مجهري وانا زوجي رافض حتى لمن طلبت من الدكتور اني اسوي منظار من البطن علشان اشوف الالتصاقات وازالتهم قالي مستحيل اسوي منظار بسبب القيصريات الي قبل طبعا طلعت من عنده وانا مفوضه امري الى الله ومافقدت الامل بالله بنات فيه وحده سمعت من قبل او تعرف وحده عندها التصاقات وحملت طبيبعي بنات انتبهو انا قلت التصاقات الي تصير بعد القيصريه بالحوض مو انسداد الانابيب فيه فرق بينهم