السلام يابنات
وعليكم السلام ورحمة الله وبركاته ،،،
انا بكرية يابنات ولسه توني جديدة ساكنه بالرياض وخايفه من الولادة
الله يتمم لك على خير ويقومك وجنينك بالسلامة والولادة تساهيل من ربنا اذا ما ساعدتي نفسك وقويتي حالك حتصعبين الموضوع على نفسك وعلى الدكتورة
بسألكم عن مستشفى الحرس الوطني اللي بخشم العان
ياليت اسمع منكم يابنات خبرتكم بشرط تكون خبرة جديده خلال سنتين مش قديمة من خمس سنين
انا ولدت عندهم من سنتين وان شاء الله ولادتي الثانية كمان حتكون عندهم
اسئلتي لكم عن الحرس الوطني بالرياض
من هي افضل دكتورة اراجع عندها واسوي عندها متابعه ؟؟؟
تقريبا كل الدكاترة ممتازات انا اراجع مع صفية السلطان رئيسة قسم الحمل الخطر لان حملي صعب ولله الحمد وتبداء الولادة عندي من الشهر الخامس بس عندك الدكتورة جواهر السعود والدكتورة ميسون ادهم والدكتورة عزة الغامدي دايما يمدحونهم
من هي افضل دكتورة للولادة ؟؟؟ وايش جنسيتها ؟؟؟ وكيف خياطتها؟؟
بالولادة تولدك الطبيبة المناوبة أنا ولدتني دكتورة هندية أو باكستانية كانت مرة طيبة مع الدكتورة صفية لان صفية ما تخيط يعني هي تقريبا تجي تشرف على الحالة علشان الأمور الطارئة وترفض أي احد يكشف من تحت غيرها يعني مرة حريصة الله يجزاها خير
كيف عناية الممرضات بالمريضه والطفل؟؟؟
العناية هم من أفضل مستشفيات الشرق الأوسط في مستوى الرعاية المقدمة للمواليد من ناحية كفاءة التمريض وتطور الأجهزة
هل عندهم غرف خاصه وكيف احصل عليها ؟؟
فيه غرف خاصة لكنها ضيقة واثاثها قديم واذا زوجك رتبة عالية أو عندك واسطة كبيرة ممكن تاخذين غرفة أنا مع اني موظفة ووظيفتي جدا عالية ولله الحمد الا انهم عطوني غرفة خاصة بطلوع الروح طبعا
ابرة الظهر هل يعطونها بكل الايام ؟؟او لهم عليها شروط ؟؟؟لانو بعض المستشفيات يقولون اللي تولد خميس وجمعه مايعونها لان الاخصائي بابرة الظهر
يكون مش موجود
ابرة الظهر لازم تطلبينها من دكتورتك اللي تابعين عندها قبل الولادة وانا ولدت يوم خميس وجاني دكتور باكستاني ربي يوجه له الخير وين ما كان عطاني الأبرة وارتحت بعدها لكنهم تأخروا علي يعني انا بادي الطلق معاي من الساعة 9 الصباح ما عطوني اياها الا الساعة 7 بالليل لما بدا يرتفع الضغط وتوقعوا اني بدخل غرفة العمليات لان ولادتي طبيعية كانت شبه مستحيلة لولا رحمة الله
هل الدكتورات حنونين؟؟؟
الدكتورات بشر ممكن تكون في وضع ضاغط وقتها أو تحس انك رافضة تتعاوني معاها فطبيعي ممكن تعصب
ممرضاتهم هنديات والا فلبينيات؟؟
الممرضات فلبينيات وجنوب افريقيات والقابلات اغلبها ماليزيات يسمون عليك ويذكرون الله
هل يعطونك حقن شرجيه للتنظيف قبل الولادة أو يعطونك خروع ؟؟؟
يعطونك حقنة واحلى احساس بعد ما تنظف الأمعاء يا زين الخف
هل يسمح نظام المستشفى بالاقامه 3 ايام ؟؟عشان اسوي استقبال او لا؟؟؟ لان اهلي بمدينه اخرى فحابه ارتاح بالمسشفى قبل ما امسك خط السفر لاهلي
يا عمري الولادة الطبيعية 24 ساعة ولا قدر الله اذا عملية 5 أيام
تكفون بنات تكفوووون اللي عندها خبرة حديثة بالمستشفى الحرس الوطني ترد علي لاني مرررة خايفه
لا تخافين ولا تشيلين هم والله الولادة تساهيل عليك بالاستغفار واذا اشتد الألم هللي وكبري واطلب الفرج من الله عز وجل واذا طلع النونو بالسلامة بتنسين كل الألم والتعب يا زين هذيك اللحظة ربي ما يحرم منها أي انسانة