السلام عليكم
عندي سؤال دكتورة هبة الله يجزيكي الخير .
أنا ما كنت أستخدم مانع حمل إلا من 3 شهور تقريباً. بدأت أستخدم سيرازيت ، جابلي ياه زوجي وما كان يعرف إنه للرضاعة ، وأنا بصراحة استسهلته كمان لأنه كل يوم حبة، وما في أستنى ولا أغلب حالي. لكن بعد ما خلصت الشريط الأول وبدأت الشريط التاني لاحظت أنه بديت أتعب وبلشت الدورة تتغير عندي وتتخربط وتغلبت كتير، وآخر دورة إجتني استمرت 3 أسابيع تقريباً ، جمعتين و4 أيام . بعدها فوراً بدأت أستخدم مارفليون ، يعني قبل لا تنقطع الدورة تماماً بدأت بمارفليون بعد ما قرأت التعليمات ، وتوكلت على ربنا، لأني ما كنت قادرة أراجع دكتورة في العيادة.
والآن بكرة آخر حبة في الشريط الأول بالنسبة لي (مارفليون) .
وعندي أعراض غريبة الصراحة ...
ممكن يكون صار حمل؟
مع العلم إني ولا مرة نسيت آخد الحبة. لكن معدتي بحسها بتقلب بسرعة من أكلات معينة ، ما بيجي على بالي الأكل، بطني بيمغصني من المقالي وهيك أشياء ، بحس في شي غلط ، يعني زي أعراض الحمل اللي بسمع عنها إنه النفس بتلعي وهيك، مع اني بحملي الأول (عندي ولد وحيد) ما صار معي أي أعراض أبداً ، ولا حتى وحام .
أسفىة عالاطالة بتمنى تفيديني دكتورة.