بعد تاخر الدورة شهر كامل قررت اروح لدكتورة اشوف السبب
قالت بنحلل دم وبول
قلت : سونار احسن واسرع ويبان علي طول
انا هنا استغربت واندهشت وتفاجاءت ورحت حللت بول ودم
حللت يوم الاثنين اللي راح وقالت : صديد في البول واعطتني مضاد كل 12 ساعه اخذ حبه وطلبت اراجعها الجمعه
ورحت لها اليوم وبرضه رفضت تعمل سونار واكتفت بالدم فقط وطلع مافي حمل
واعطتني دوفتاسون لمدة 5 ايام كل يوم 3 حبات وبعد الخمس ايام اوقف وانتظر 5 ايام ثانية وتنزل وثاني يوم نعمل تحاليل شامله
قلت لها انا عملتها العام وكلها الحمدلله سليمه
النقطه اللي خلتني استغرب تقول
الهرمونات في الجسم تتغير من سنه لسنه ونحلل لما تنزل الدورة ونشوف
زوجي لما خرج من عندها رفض اننا نعمل تحاليل بحجة اني عملتها من قبل ويقول خليها على رب العالمين متى ما ربي اراد نحمل وهو كمان رافض يحلل
وما اقدر اكلم امه او ابوه يكلموه لان هناك مشاكل وزعل ان شاء الله اننا نعديه على خير
فانتوا اش تشورون علي اعمل
احترت واحيان اقول زي ماربي كتب اني احمل قبل كذا فاتركي كل شي على الله