وعليكم السلام ورحمة الله وبركاته
اختي موضوعك عالجرح والله بس انا عكسك الناس تقول لاتجيبين وانا تعبانه ميته هلكانه ابغى اجيب وبصراحه كانت عندي شغاله قبل سنه ونص خلصت عقدها وراحت ديرتها صدق اتعب اموت من شغل البيت بس بالي مرتااااااااااااااح وقلبي مرتاح لا احس بالذنب ولا احس بشخص غريب في بيتي ولا زيادة مصاريف ولا حنة ورنة
انا موظفه دوامي احس طوويل من 7 لاربع ونص العصر واوصل 5 البيت هلكانه خصوصا اني حامل حاليا وشغل البيت كثير بنتي حركيه فوضويه هي وابوها هههههه والمطاعم ممنوع كل شي اسويه بيدي غدا وعشا وفطور وشوربات وسلطات وعصيرات
وتنظيف البيت الشغلات اليوميه متعب وزوجي شفتات ماشوفه كثير وشغل البيت يلهيني عنه والويكند احب اسوي الاشياء اللي تاخذ وقت وجهد زي التمسيح والتلميع وتنظيف الاجهزة والتصنفر والدواليب والحوسه , الله يعين
وافكر اجيب شغاله حاليا ومن بنجلادش بعد عالاقل تاخذ عني شغل الارضيات تكرمين والحمامات الله يعزك وتجهز لي حق الطبخ تقطيع وتجميد وترتب لي اغراض السوبر ماركت اللي قصت ظهري
تجهز لبنتي ملابسها وحمامها للسباحه والصبح تساعد عالفطور واكلي حق العمل وتغسل الملابس
وابي اودي بنتي الروضه تعبت من الحضانات شيل في الصباح وحط في العصر
اسفه ثرثرت كثير بس موضوعك عالجرح بعد وشاغل بالي كثيييييير لان بدا ينهد حيلي خصوصا اني قريب ادخل الثامن :(
الله يسهل امورنا جميعا يارب ويقدم اللي فيه الخير