[تهاني الورد]

السلام عليكم ورحمة الله وبركاته

اخواتي في الله ، يعلم الله اني ماجيت هنا وشكيت لكم الحال من بعد الله الا لأني تعبانه نفسياً وابي اخذ الاراء منكم خصيصاً لاننا حريم ونفهم بعض ..

مابي تهجم علي ولا ردود قاسية ، ربما اكون مخطئه بس ابي رد حكيم يسعدكم ربي

اولاً انا متزوجة لي 6 شهور ، خلال هالست شهور ومع الايام والوقت زوجي طفش مني ومن الروتين ع قولته ، مع اني ولله الحمد ما اجلب الطفش مرحة وبربورة واحب اسولف بس زوجي ماتعجبه سواليفي للاسف ..
فارق السن بيني وبينه كبييييير وللاسف ماعرفت عاقبة هالشيء الا بعد الزواج
تفكير مختلف تماماً ، طبعا من تلميحاته عرفت انه طفشااان

لدرجة قالها لي بصريح العبارة ( عسا الشباب يطلعون للاستراحة يومين )

شلون افتح معاه مواضيع !!
المشكلة زوجي طبعه غريب ، اهتماماته ترفع الضغط ومافيها مجال للحوار

ومشكلتي الثانيه هي عمته

عمته متزوجة لها سنتين وعندها ولد بالبداية حبيتها جداً ، بس مع الوقت ومن مدح زوجي لها ان سواليفها ماينمل منها
وتوحشه مرره ولازم يتصل عليهاا واذا اتصل عليها غير الضحك والسوالف
انا مابي قطيعة الرحم ولا شيء خلع يكلمها ويسلم عليها ماعلي بس ينبسط معاها اكثر مني ,!!
طيب وانا !!

حتى قبل الزواج يوم كان عزوبي كان لازم يزورها
وهو قال لي ( سواليفهم عماتي ماينمل منهم )

بس يابنات عمته تاخذ راحتها بالسوالف وتسب وتتريق انا مقدر اقول كذا احس صعبببه
وغير كذاا هي موظفه يعني تطلع وتروح وتشوف الناس وعندها اخبار وعلوووم يعني غييير عني تماماً

انا ماغير بالبيت لا اقابل احد ولا اطلع


طبيعي ماعندي لا اخبار ولا شيء

مخنوووقه يابنات مخنووووووووقه

انتو حريم واحنا فاهمين بعض

كيف اتصرف مع زوجي قاهرني والله