السلام عليكم ورحمة الله وبركاته
انا ام اياد جديده معاكم فى منتدى حوامل
كنت محتاجه استشارتكم من واقع خيراتكم وان شاء مش هتخذلونى
انا بقالى 5سنين متجوزه الحمد لله ربنا كرمنى وعندى اياد 4سنين
السنه اللى فاتت حملت وحملى نزل فى الشهر الخامس بدون اى مقدمات للاجهاض
كنت رايحه للدكتور عادى متابعه واعرف نوع الجنين فصدمنى وقالى الجنين ميت وكمان بقاله فتره والحمد لله كرم ربى انه مبحقش يضرنى قعدت فتره على ماحملت تانى لان جوزى سافر وانا جيتله وحصل حمل ومات بغد 45يوم واجهضت تانى وربنا الهمنى الصبر ودلوقتى بقالى 4شهور بعد الاجهاض التانى
البريود بتجيلى يوم23بعد الاجهاض لكن الشهر اللى فات جت 22ومتقطعه يعنى تنزل يوم اه ويوم لا وتنزل دم خفيف مش كتير
وماجتلى ليها اعراض خالص رغم انها كان بييجى قبلها مغص بسيط
من اسبوعين حاسه بصداع وزغلله فى عنيا وبدخل الحمام كتير
ودوخه بسيطه بعدها باسبوع جالى مغص قعد مستمر اكتر من 4ايام والمم فى صدرى حتى الان
وحرقه فى معدتى ونهخز فى المبيض الشمال ويتنقل لليمين وارق وعدم رغبه للاكل ومراره بالفم
لكن يوم 18 عملت اختبار حمل طلع سلبى
يوم معاد البريود22حسب اخر بريود نزلت بردو طلع سلبى
سالت الدكتوره فى الصيدليه قالتلى استنى اسبوع واعمليه تانى
ده معناه ايه ممكن تكون بردو دى اعراض بريود ولا ايه