[مرايمم]

وعليكم السلام ورحمة الله
ومبارك علينا وعليكي الشهر الفضيل
صراحه يا اختي الوالده كانت غلطانه من البدايه احيانا تقولي الوالده شغلات احسها ما تناسبني حتى لو ناسبتها
يعني شنو عروس واذا اهي عروس ما طبخت متى بتطبخ والشي الثاني هاذي الفتره الي تتعود الوالده على فراق بنتها المهم تكلمت بهالنقطه لانها بدايه المشكله وادري ما بتغيرين حبج للوالده علشان جذيه تكلمت الله يحفظ امهاتنا
الموضوع الحين كله يقع على عاتقك
اول شي ممكن تسوىين انتي اكل بالبيت وتذري حق والدتك وتقولين لها حبيت تجربين هالطبخه من ايدي كنوع من البر واستقرارك في بيتك بنفس الوقت
ثاني شي تقومين مبجر ويا ريلج يعني لي قام قومي سويله الفطور ( بعد رمضان ) وقعدي معاه ورتبي نفسج من بالليل وقوليله بسويلك الشي الفلاني امي تقولي ركني ببيتج ( ادري امج ما قالت جذيه ) بس هالشي يخليه يحب امج اكثر لانها تبي بنتها تهتم ببيتها وقوليها بجديه يعني ويييي امي يوم رحتلها تقولي خلج ببيت ريلج خدميه سوي طباخ ذا الشي يخلي ريلج يحبها فهمتيني
بالمقابل قولي حق امج ان ريلي يسلم عليج وقالب اهتم فيج واهو ما يدري اصلا انج نظر العيون فهي ان غبتي ما راح تزعل
المهم عقب الفطور جهزي البيت والغدا ومري اهلك وخدي شي بايدج من الطباخ الي انتي مسويته ولا تطولين
اول شهر روحي 6 ايام بالاسبوع ثاني شهر 5 ايام تحججي بطلعة رفيجات او شي حتى لو انتي مو طالعه وتمي ببيتج
وقللي ولكن هذا لا يعني قطعهم ولكن طالما عندك اخت بالجامعه فالحمدلله مو لوحدهم
وكلامي ونصيحتي مو بالضروره تطابق معك او تفيدك ولكن هي مجرد نصائح لو اردتي تعملي بها او لا فالخيار لك
وانا عشقي لامي يفوق عشقي للهواء الذي استنشقه ولكن ان حصل خلاف بينك وبين زوجك تأكدي ان قلب امك سيحترق اكثر من قلبك وستتمنى اي شيء الا خراب بيت ابنتها ولكن الواضح انك بنتها المتزوجه الوحيده او خبرتها قليله الله ينور بصيرتها
وسامحيني ان اخطأت ويشهد الله اني اتكلم كما لو انها مشكلتي واحدث بها نفسي
بالمناسبه انا في غربه والقى اهلي كل ست شهور شهر واحيانا كل سنه شهر وصدقيني بعض المرات يغار من اهلي وانا اصلا ما اجيب سيرتهم الا بمدحه واهلي يحبوك وما يحبوني كثرك وهدايا خاصه فيك وانا لا ومع هذا يا الله رحمتك الا تلقي الغيره لكن هذا طبع الزوج فما بالك بيوميا
فهمتيني ؟؟؟
الله يوفقك