اخذت الثلاثاء الابره التفجيريه
وموعد السحب كان الخميس الساعه عشره الصباح
رحت الخميس الصراحه كنت خايفه كثير انها تكون مؤلمه
خاصه ان اغلب اللي قريت انهم عملوها قالو نحس بالالم
المهم توكل على ربي وكان اول يوم رمضان جلست بالانتظار من عشر الى ١٢ نادوني عطوني تعليمات افضي البول اتوضيت وصليت ونادو زوجي ياخذو منه عينه السائل
دخلت ع غرفة التحضير حطو لي ابرة المغذي ولبست لبس العمليات
واعطوني دولاب احط اغراضي فيه واعطوني المفتاح وودوني ع غرفة م قبل العمليه قالو اتاكدي انو مافيك بول رحت للحمام وبعدها اتوضيت وجلست اقرا قران واذكار ....بعد ربع ساعه ودوني ع غرفة العمليات..كان فيها سرير كشف نسائي جلسوني اجتني مصريه حبيبه وجلست تدعي لي وتسالني اخذت ادويه وكم سؤال وركبت البنج بايدي مادريت عنها ولا حسيت بعدين حطت لي الممرضه كمام الاوكسجين ..وشفت دكتورتي دخلت وسلمت علي وباركت لي بشهر رمضان ...................... وبعدها صحيت وانا على سريري اللي كنت عليه قبل العمليه وكاني كنت احلم ...مافي الم ومافي شي ابد يدل على اني خلاص
ناديت ممرضه سالتها ضحكت وقالت خلاص مدام
جاتني سودانيه شكلها حقت التغذيه جابت لي اكل تمر وبسكويت وعصير ومويه
يتبع>>