[انين الانتطار]

السلام عليكم
انا حملت حمل طبيعي أول زواجي من عشر سنين طبعا و مات الجنين فجأة ب شهر ثامن نزلتو ب عملية قيصرية. . بعد سنتين حملت طبيعي و مات ب شهر تاني رجعت حملت ب محرض إباضة كمان مات ب تاني . . رجعت حملت بعد سنتين . . حمل طبيعي رجع مات الجنين فجأة ب شهر رابع
بعدين عملت عملية طفل أنابيب جبت توأم ب شهر السابع ولدت واحد مات و الثاني ضل الحمد لله
رجعت حملت بعد سنتين من الولادة . . أخذت وقتها تحريض الإباضة و دوا فيه كورتيزون عيار خفيف جدا مع مثبت حمل من اليوم 16 للدورة و فيتامينات مشكلة
الحمد لله صار عليه حمل هاد العلاج . . بس وصلت للشهر الثالث مات الجنين
و أجهضت . . من 28يوم تقريبا . . و لسا ل هلا ما نظفت تماما .
لسا في إفرازات بنية خفيفة كتير .
مش عارفة شو بدي سوي مشان رمضان
شو الحكم مش عارف ؟ بدي صوم بس شو وضعي رح يكون حلال صيامي و لا لا
طولت عليكي. . هي قصتي و قصة إسقاطاتي
تحياتي