السلام عليكم حلوات
هذا الشهر قررت اتابع التبويض عن طريق كاشف التبويض المنزلي طبعاً للفائدة شريتهم من Amazon
ماركة wondfu شفت وايد يمدحونهم و الاجانب وايد ياخذون منهم قلت بجربهم بالاخص ان سعرهم رخيص هالشي الا شجعني حق آخذهم البكج الا خذت 40 شريط كشف تبويض و 10 اشرطة كشف حمل بالاضافة لتحليل كلير بلو دجتل لكشف الحمل 3 طلع كامل علي بالشحن و التوصيل 50.90 دولار
بالاخص ان احين شهر رمضان ياي و صعبة علي اتابع تبويض وي الدكتورة فقلت مالي الا هذي الطريقة سهلة و مريحة و يارب الله لا يحوجني للدكاترة و لا وحدة مننا تحتاج لهم بروحهم نهبة حتى لو ما فيك شي يطلعون لك بلاوي و الله يوفق الجميع يارب
و اليوم لي السابع من الدورة استعملت اول شريط من كاشف التبويض و من التعليمات ان لازم يكون الخطين غامجين ان كان خطين غامجين لازم يصير جماع عقب 24-48 ساعة
و ان خط فاتح و خط غامج معناته هم سلبي و ان خط سلبي لازم الاثنين غامجين 
و هذي صورة اول تحليل سويته باليوم السابع من الدورة طلعلي خط غامج و خط فاتح
يعني مافي تبويض على حسب التعليمات
هذي اول مرة اجرب هالشرايط فما عندي خبرة فيها و تجربتي للفايدة العامة
و بعرض نتايج تجربتي فيهم يومياً
و طبعاً بسوي تحديث للموضوع بشكل يومي بالنسبة لتجربتي بهذا الشهر لاشرطة التبويض المنزلي
و الله يرزقنا ان شاء الله هالشهر يارب و يرزق كل محرومة الذرية الصالحة
و طبعا الموضوع مفتوح لكل وحدة تستعمل اشرطة التبويض تعرض تجربتها للفايدة حق الكل