[**طيور الجنه **]

هلا خواتي والله من الفشيله والمواقف اول ولاده هذي الي ماحد ينساه اناابقولكم الموقف الي صار معي انا كنت اسمع عن الطلق والدفع بس ماحسبت انه كذا بالصعوبه انا كنت خايفه من كلام الناس عن الولاده وسمعت كثير يقلو العمليه احسن قلت خلاص انا ابطلب عمليه احسب الدعوه على كيفي المهم لاطول عليكم يوم دخلت التاسع لي يومين مادريت الا اشوف دم بسيط تكرمون بس مافيه وجع رحت لزوجي وقتله قال بسرعه على المستشفى قلت لا ابصبر اشوي قال لااخاف تولدين عندي وابلشبك تعرفون بعض الرجال مايعرفون يتصرفون المهم قلت خلاص ولا علمت امي ولا احد ركبت السياره وهو راح الثلاجه وجاب تمر وقالي كولي كثير سمعت انه يسهل الولاده قلت يجي منك حلو خخخخخخخ رحت المستشفى قالو ترقيد الرحم مافتح الا 3 قلت مابي قالو لازم قلت اجل ابي عمليه احسب الدعوه طلبات زي المطعم الدكتوره تضحك علي قالت خلاص نشوف بعدين قلت مته تودوني العمليات قالت اصبري للفجروانا دخلت الظهر ونشوف قلت ليش اصبر ؟؟؟؟ قالت لانك بتغيري رايك قلت ليش ماراح اغير راي وكان عندي وحده بالغرفه بس تتوجع وتصيح وانا اقول ليش هي تتوجع وانا لا الحمدالله المهم جت الدكتوره شافتها قالت بسرعه غرفه العمليات وراحت وبعد ساعه جت والمره ياحرام مرره وجه حوسه قلت وانا مته دوري الدكتوره تناظرني وتضحك تقول لسه احسب الدعوه بالدور قلت كم قبلي هههههههههه ابي اخلص وبس بعد صلاه العشاء حسيت بشي غريب حسيت حراره بجسمي وانادي الممرضه قالت انتي سوي مشي امشي كثير قلت احس بوجع خفيف قالت لسه مابعد فتح قلت لاانا ابي عمليه قولي لدكتوره قالت طيب اشوي حسيت الوجع يزود ولا اقدر امسك نفسي وكل ماجت قالت لسه وراحت وانا امسكه واقوله ليش كم الدور مته دوري قالت لسه وراحت وانا الالم يزود معي ولا احد يجي بس جت وحده ممرضه وشافتني قالت خلاص الحين انتي فيه ولاده قلت بعد ماراح صوتي ومت من الوجع المهم رحت للولاده وانا اقولهم ابي عمليه قالت الدكتوره مايحتاج لانه مفتوح والطفل حجمه صغير انتي بس ادفعي قلت وش ادفع قالت لاتصرخين اكتمي نفس وادفعي وانا اسوي الي تقول عليه مادريت الا الممرضه الي تاخذني على قد عقلي فوقي رحت قتله انتي ليش ماجيتي يوم ناديتك ومن القهر مسكت ايده وعضيته صرت مفترسه خخخخخخخ بس بعدين اعتذرت منه واعطيته فلوس والحمدالله ولادتي مع صلاه الفجر والله يعين على الثاني والله اني متخوفه