اراء البنات
في المركز الطبي الدولي " مستشفى فتيحي " في الرويس الدكتورة هناء بدران .. كويسة وخلوقة بس الله يعينك على مواعيدهم
وفيه مركز الطبابة في شارع التحلية الدكتورة رشا الادلبي حنونة وخلوقه وتسمي بالله في كل خطوة
وممكن تاخدي ارقامهم من الاستعلامات
والله ياسماح الولاده فيه جداً رائعه اهتمام وخصوصية ونظافة وماتشوفي دكتور رجال في قسم الولادة يعني صراحه راحة عالآخر .. نيرس خاصة بك من يوم تدخلين قسم الولادة لين تطلعك جناحك الخاص بعد الولادة يعني تكون معك كل شوي تقيس لك ضغط وتشوف التخطيط ووقت الولادة تكون جنبك تمسك يدك تساعد تشجع هذا غير الدكتورة اللي تولدك وغير النيرس حقك تجي نيرس ثانيه وقت الولادة مع الدكتورة وكلهم طيبات وحنونات أنا الحمد لله صادفت إن جوني نيرسس مره كويسات حنونات وطيبات يعني خاطري أرجع أحمل وأولد مره ثانيه من كثر ما ارتحت ههههههههههه ولدت عند دكتورتي منال الخرباش..
على فكرة لازم تكوني تتابعي معاهم أقل شي من السادس عشان تولدي عندهم لأن صحبتي اتصلت عليهم كانت في الثامن قالو ماينفع أقل شي تراجعي من الشهر السادس ..
بالنسبه للأسعار والله ما أقدر أفيدك بس تقدري تتصلي وتستفسري هوا في عندهم بكجات من بداية الحمل مع الولادة بس ما أدري كيف إنتي عشان من الشهر السادس ممكن تنحسب عليكي كشفيات عاديه بدون بكج والله مو متأكده ..
انا جربتها بالمراجعه فقط لاني سافرت برا
بس هي شاااطرة كثير والسعر الكشف ب ١٥٠ والسونار ١٠٠ وعندها بكج وتولد ب بقشان او بن لادن اسعارها من ٤٥٠٠ الى ٥٠٠٠ طبيعي وقيصري ١٠ الاف