السلام عليكم ورحمة الله
بصراحه يا اخواتي بدخل بالموضوع مباشرة ... انا مقررين موعد ولادتي ب 17 رمضان ومررره قلقانه من هذا التوقيت
ماني عارفه وين اروح .. مشكلتي اذا قعدت ببيتي فعندي بنوته ربي يحفظها باقي عمرها سنه ونصف ومره متعبه و متطلبه
وإذا رحت بيت اهلي أمي مريضه وما عندها خادمه .... احس أني بلشه
مدري وين اروح او ايش أسوي
تكفون ... اللي عندها خبره او جربت نفاس رمضان وعندها نصائح ياليت تفيدني
انا بصراحه اهملت شوي نفسي بنفاسي الاول على بنتي و ندمت كثير وما ابغا أكرر الغلطة نفسها
لأني حتى بهذا الحمل اهملت كثير ما تابعت بانتظام مع الدكتوره و حتى من ناحية الاكل والمكملات الغذائيه صرت أنساها ما اخذها بانتظام ... وأحس جسمي مو جسمي الاول .... عظامي كلها تالمني .. ومرهقه بشكل مو طبيعي ...
شكلي اندمرت
عشان كذا ودي اهتم شوي في هذا النفاس وناويه باْذن الله أرضع طبيعي لكن التوقيت مايساعد ، نفاس وبرمضان .... فاذا عندكم طرق تفريز مأكولات مثلاً ... او تجهيز لهومات وشغلات زي كذا دلوني ....حتى لو بفكره او اقتراح اي شي احس أني متورطة مع هذا الموعد للولاده ... وشوروا علي وين اقعد فترة النفاس ببيتي وإلا ببيت اهلي ؟!!! ربي يحرم وجوهكم عن النار ويكتب لكم الأجر
اختكم المتورطه ......